İyunun 27-də Gürcüstan və BƏƏ arasında hərtərəfli iqtisadi tərəfdaşlıq sazişi qüvvəyə minib.

Ötən ilin oktyabrında imzalanmış saziş iki ölkə arasında iqtisadi inteqrasiyanın bundan sonra daha da dərinləşdirilməsinə imkan verəcək.

Sənəd qüvvəyə minəndən sonra BƏƏ Gürcüstan üçün mal və qoyun əti, bal, fındıq, mineral su, meyvə-tərəvəz konservlərinin əsas hissəsi, sərinləşdirici içkilər, azot gübrələri, tekstil məmulatları və s. kimi önəmli məhsullar üçün bazarını dərhal açır.

Qeyd edək ki, BƏƏ ərəb ölkələri arasında Gürcüstanın aparıcı ticarət tərəfdaşıdır. 2023-cü ildə Gürcüstan və BƏƏ arasında ticarət dövriyyəsi illik müqayisədə 39% artıb, o cümlədən, ixrac 73% artıb. Bundan başqa, BƏƏ-dən Gürcüstana investisiyaların həcmində 29%-lik artım qeydə alınıb.