Türkiyənin ən böyük və Avropanın dörd ən böyük kənd təsərrüfatı sərgisindən biri olan AgroExpo Beynəlxalq Kənd Təsərrüfatı, Heyvandarlıq və Quşçuluq Sərgisi 30 Yanvar - 03 Fevral 2024-cü il tarixləri arasında “Fuar İzmir”də keçirildi. 29 ölkədən 521 sərgi iştirakçısı və minlərlə ziyarətçinin iştirak etdiyi yarmarka Türkiyə və dünya kənd təsərrüfatına böyük töhfə verdi.

19-cu dəfə baş tutmuş sərgi zamanı ziyarətçilər dünyanın aparıcı kənd təsərrüfatı və heyvandarlıq şirkətlərinin təklif etdiyi məhsul və xidmətlərlə yaxından tanışlıq imkanı əldə ediblər. Bundan əlavə, yarmarka zamanı təşkil edilən bir çox tədbirlər, müsabiqələr və şoular ziyarətçilərə xoş anlar yaşadıb.

AgroExpo növbəti ildə də kənd təsərrüfatı və heyvandarlıq sektorlarını bir araya gətirməyə davam edəcək. 4-8 fevral 2025-ci il tarixində 20-ci dəfə keçiriləcək sərgidə iştirak etmək istəyən şirkətlər artıq müraciət etməyə başlayıblar. Sərgi 2025-ci ildə rekord səviyyədə iştirakçı və ziyarətçi gözləyir.