Axtar

Seçilmişlər

Elan yerləşdir

Xəbərlər

Xəbərlər

“YURT”un əməkdaşlıq təklifləri

“YURT”un əməkdaşlıq təklifləri

YURT platforması Sizə satış bazarlarını genişləndirməyi təklif edir. Özbəkistan, Qazaxıstan, Qırğızıstan, Türkmənistan, Qafqaz – Azərbaycan, Gürcüstan, Türkiə miqyasında YURT şirkətinizin hələ təmsil olunmadığı bazarların axtarışını və tapılmasına dəstək göstərə bilər. Biz kənd təsərrüfatı istehsaçıları ilə birbaşa təmasdayıq. YURT Sizin üçün bunları edə bilər. YURT platforması çərçivəsində biz aşağıdakı bəndlərdən ibarət qarşılıqlı faydalı əməkdaşlıq üçün strateji baxışı təqdim emək istərdik: 1. Qafqaz və Mərkəzi Asiya ölkələrində media və iqtisadiyyat baxımından təmsilçiliyin tədqiqi. Bu bizə və SİZİN ŞİRKƏTƏ satış bazarlarının gələcək genişləndirilməsi üzrə planları qiymətləndirməyə, şirkətinizin Qafqaz və Mərkəzi Asiya ölkələrində iqtisadi təmsilçiyinin gücləndirilməsinə imkan verəcək. 2. YURT platformasının fəaliyyəti istifadəçilərin və istehlakçıların SİZİN ŞİRKƏTİNİZƏ inamının artırılmasına və möhkəmləndirilməsinə yönəldilə bilər ki, bu da sonradan Qafqaz və Mərkəzi Asiya ölkələrində gələcək investisiyalar üçün biznes mühitin yaxşılaşdırılması və modernləşdirilməsinə şərait yaradacaq. 3. “YURT” platforması Qafqaz və Mərkəzi Asiya ölkələrində real investisiya, sosial-siyasi, iqtisadi mənzərəni davamlı olaraq öyrənib ekspert rəyini təqdim edə bilər ki, bu da iri investisiya layihələri, orta biznesin investisiya layihələrində, idxal-ixrac əlaqələrində maliyyə risklərini və maliyyə itkilərini istisna edə bilər. YURT platforması lazımsız riskləri aradan qaldıracaq. 4. YURT platforması ŞİRKƏTİNİZ ÜÇÜN pərakəndə və topdansatış ticarət sektoru üçün hüquqi, konsaltinq, reklam və media dəstəyi göstərə bilər. Qafqaz və Mərkəzi Asiya ölkələrində YURT platforması ilə əməkdaşlıq edən yerli şirkətlər şəbəkəsi bu barədə əminliklə danışmağa imkan verir. 5. YURT platforması SİZİN ŞİRKƏTİNİZ ilə Qafqaz və Mərkəzi Asiya ölkələri arasında elektron ticarəti təşviq etmək üçün iş apara bilər. 6. YURT platforması SİZİN ŞİRKƏTİNİZİ Qafqaz və Mərkəzi Asiya ölkələrində fəal şəkildə dəstəkləyə və SİZİN ŞİRKƏTİNİZİN nümayəndəliklərinin açılmasına kömək edə bilər. 7. YURT platforması dünyada keçirilən bütün kənd təsərrüfatı sərgilərində SİZİN ŞİRKƏTİNİZ üçün məlumat və reklam dəstəyi göstərə bilər. 8. YURT platforması Qafqaz və Mərkəzi Asiya ölkələrində distribütor imkanlarının genişləndirilməsində ŞİRKƏTİNİZƏ dəstək olmaq üçün sistemli iş apara bilər. 9. YURT platforması 15-dən çox ölkədə, həmçinin Avropa İttifaqı ölkələrində (27 ölkə) 7 dildə tarixi İpək Yolunun bütün xətti boyunca ŞİRKƏTİNİZƏ diqqətin cəlb olunması üçün informasiya dəstəyi göstərə bilər. 10. YURT platforması Qafqaz və Mərkəzi Asiya ölkələrində SİZİN ŞİRKƏTİNİZİN nümayəndəliyinin - ticarət evinin və/və ya pərakəndə mağazalar şəbəkəsinin hazırlanması və açılması istiqamətində iş apara bilər. 11. YURT şirkətinin fəaliyyəti SİZİN ŞİRKƏTİNİZİN strateji maliyyə sabitliyinə töhfə verməyə yönəldilə bilər. YURT şirkəti SİZİN ŞİRKƏTİNİZ ilə Qafqaz və Mərkəzi Asiya ölkələrində qarşılıqlı faydalı şərtlərlə sabit və uzunmüddətli əməkdaşlıq perspektivi yaratmağa kömək edə bilər.

Tarix		Saat
04-12-2023		16:34

Xəbərlər

Tbilisidə beynəlxalq kənd təsərrüfatı sərgisi keçirilir

Tbilisidə beynəlxalq kənd təsərrüfatı sərgisi keçirilir

Tbilisidə 21-ci “Agro, Food, Drink, Tech Expo 2023” beynəlxalq kənd təsərrüfatı sərgisi keçirilir. Noyabrın 17-də “Expo Georgia” sərgi mərkəzində açılan sərgi noyabrın 19-dək davam edəcək. Tədbirin məqsədi kənd təsərrüfatı sahəsinin inkişafı, yerli sahibkarların populyarlaşdırılması və Gürcüstanda texnoloji yeniliklərin tətbiqini təşviq etməkdir. Sərgidə Gürcüstan, İtaliya, Polşa, Türkiyə, Ukrayna, Hindistan, Çin və Belarusdan 70 şirkət iştirak edir. Sərgidə kənd təsərrüfatı texnikası, qablaşdırma materialları, istixana texnologiyaları və avadanlıqları, suvarma sistemləri, laboratoriya avadanlıqları, gübrələr, pestisidlər və s. təqdim olunub.

Tarix		Saat
18-11-2023		17:16

Xəbərlər

Skandinaviya ölkələri Gürcüstandan fındıq idxalında maraqlıdır

Skandinaviya ölkələri Gürcüstandan fındıq idxalında maraqlıdır

“Skandinaviya ölkələri Gürcüstandan fındıq idxalına maraq ifadə edirlər”. Bunu “GPR Nuts” şirkətinin həmtəsisçisi Baya Salukvadze bildirib. Onun sözlərinə görə, Aİ ölkələri Gürcüstandan fındıqçılıq məhsulları üçün əsas ixrac bazarları olaraq qalır, bu, ilk növbədə Almaniya və İtaliyaya aiddir və son dövrlər Fransa da əhəmiyyətli dərəcədə fəallaşıb. B.Salukvadze qeyd edib ki, bu il Gürcüstanda 40-45 min ton fındıq məhsulu gözlənilir ki, bu da ötənilki göstəricilərdən azdır. Azalmaya səbəb iqlim şəraiti və qeyri-sabit havadır.

Tarix		Saat
08-11-2023		17:19

Xəbərlər

Azərbaycanda kartof istehsalı azalıb

Azərbaycanda kartof istehsalı azalıb

Bu il Azərbaycanda kartof istehsalı azalıb. Dövlət Statistika Komitəsinin aylıq hesabatına əsasən, oktyabr ayının 1-nə kimi 981,9 min ton kartof yığılıb. Bu, ötən ilin eyni dövrü ilə müqayisədə 3,9 faiz azdır.

Tarix		Saat
08-11-2023		17:00

Xəbərlər

Özbəkistanda aqrodronların istehsalı planlaşdırılır

Özbəkistanda aqrodronların istehsalı planlaşdırılır

Özbəkistanda kənd təsərrüfatı sektoru üçün pilotsuz uçuş aparlatlarının istehsalı planlaşdırılır. EastFruit analitik portalının məlumatına əsasən, aqrodronlar “Navoi” azad iqtisadi zonasında istehsal ediləcək. Layihənin təxmini dəyəri 80 milyon ABŞ dolları təşkil edir. Aqrodronların işlənib hazırlanması və istehsalına rusiyalı mütəxəssislər kömək edəcək.

Tarix		Saat
08-11-2023		15:06

Xəbərlər

Qazaxıstandan Türkiyəyə buğda ixracı 75% artıb

Qazaxıstandan Türkiyəyə buğda ixracı 75% artıb

Bu ilin yanvar-avqust aylarında Qazaxıstanla Türkiyə arasında ticarət dövriyyəsi 3,9 mlrd. ABŞ dolları təşkil edib. Qazaxıstandan Türkiyəyə ixracın dəyəri 2,6 mlrd. ABŞ dollarına bərabər olub. Ölkənin İqtisadiyyat Nazirliyindən bildirilib ki, buğda ixracı 75% artaraq 51 mln. ABŞ dollarına çatıb. Türkiyə Qazaxıstanın ən əsas ticarət tərəfdaşlarından biridir. 2022-ci ildə Türkiyə Qazaxıstanın ticarət dövriyyəsində IV yeri tutub.

Tarix		Saat
08-11-2023		14:44

Xəbərlər

Gürcüstanda zəfəran yığımına başlanılıb

Gürcüstanda zəfəran yığımına başlanılıb

Gürcüstanda bu ölkə üçün nadir olan zəfəran bitkisinin yığımına başlanılıb. Yetişdirilmiş zəfəran ekoloji təmiz məhsuldur və bir sıra Avropa ölkələrinin keyfiyyət sertifikatlarını alıb. Zəfəran çoxillik bitkidir, zanbaqçiçəklilər fəsiləsinə aiddir. Payız aylarında çiçəkləyir, oktyabrın sonu - noyabrın əvvəlində isə onun ədviyyat kimi tanıdığımız tellərini yığmaq lazım gəlir. Zəfəranın faydaları sadalamaqla bitməz. Qiymətli bitkinin insan orqanizminə çox böyük faydaları var, ondan tibbi müalicələrdən tutmuş qidaların və kosmetik vasitələrin hazırlanmasına qədər istifadə olunur.

Tarix		Saat
23-10-2023		14:05

Xəbərlər

“YURT” Antalyada Growmach sərgisində iştirak edir

“YURT” Antalyada Growmach sərgisində iştirak edir

YURT MMC Türkiyənin Antalya şəhərində keçirilən Growmach Traktor, Kənd Təsərrüfatı Maşınları, Avadanlıqları və Texnologiyaları sərgisində iştirak edir. ANFAŞ Sərgi və Konqres Mərkəzində keçirilən sərgi Yaxın Şərq, Afrika, Balkanlar, Cənubi Amerika və Uzaq Şərq ölkələrindən sənaye mütəxəssislərini bir araya gətirib. “YURT”un stendində şirkətin fəaliyyəti, məqsədləri, xidmətləri və üstünlükləri barədə məlumatların yer aldığı tanıtım broşürləri, rollaplar təqdim olunub. Stenddə quraşdırılmış ekranda MMC-nin fəaliyyət istiqamətlərini əks etdirən videoçarxlar nümayiş etdirilib. Stendi ziyarət edən şirkət nümayəndələri və iş adamlarına “YURT” haqqında ətraflı məlumatlar verilib, əməkdaşlıq imkanları müzakirə olunub. Qeyd edək ki, “YURT” Growmach sərgisinin informasiya dəstəkçisidir. Sərgi oktyabrın 15-dək davam edəcək.

Tarix		Saat
11-10-2023		12:11

Xəbərlər

Özbəkistandan şaftalı və nektarin ixracı tarixi maksimuma çatıb

Özbəkistandan şaftalı və nektarin ixracı tarixi maksimuma çatıb

Cari mövsümdə Özbəkistandan şaftalı və nektarin ixracı tarixi maksimuma çatıb. Mayın 21-dən sentyabrın 20-dək ölkədən 80 min tondan çox şaftalı və nektarin ixrac olunub. Bu, üç il öncəki göstəricidən çoxdur. Şaftalı və nektarin ixracının ümumi dəyəri 62,7 milyon ABŞ dollarına bərabər olub.

Tarix		Saat
04-10-2023		12:22

Xəbərlər

Azərbaycanın pomidor ixracından gəliri kəskin azalıb

Azərbaycanın pomidor ixracından gəliri kəskin azalıb

Bu ilin yanvar-avqust aylarında Azərbaycan dəyəri 124,29 milyon ABŞ dolları olan 112,06 min ton pomidor ixrac olunub. Ölkənin Dövlət Gömrük Komitəsinin məlumatına əsasən, ötən ilin eyni dövrü ilə müqayisədə məhsulun dəyərində təqribən 10 milyon ABŞ dolları azalma qeydə alınıb. Gəlirin azalmasının əsas səbəbi Rusiyada pomidorun qiymətinin azalmasıdır. Məlum olduğu ki, Azərbaycandan pomidorun əsas idxalçısı Rusiyadır.

Tarix		Saat
04-10-2023		11:10

Xəbərlər

Özbəkistan Gürcüstana süfrə üzümünün tədarükü üzrə II yeri tutub

Özbəkistan Gürcüstana süfrə üzümünün tədarükü üzrə II yeri tutub

Özbəkistan Gürcüstana süfrə üzümünün tədarükü üzrə II yerdə qərarlaşıb. Gürcüstanın Milli Statistika Xidmətinin məlumatına əsasən, bu ilin 7 ayı ərzində Özbəkistandan ölkəyə 699,4 min ABŞ dolları dəyərində 453 ton süfrə üzümü ixrac olunub. Üzümün tədarükü üzrə birinci yeri 1 179 tonla Ermənistan, üçüncü yeri isə 280 tonla İran tutub. Yeddi ay ərzində Gürcüstan ümumilikdə 2,7 milyon ABŞ dolları dəyərində süfrə üzümü idxal edib.

Tarix		Saat
04-10-2023		10:40

Xəbərlər

Qazaxıstanda manqo və avokado yetişdiriləcək

Qazaxıstanda manqo və avokado yetişdiriləcək

Qazaxıstanın Türkistan vilayətinin Sayramsk rayonunda yerləşən istixana kompleksində manqo və avokadonun yetişdirilməsi planlaşdırılır. 5,3 hektar sahəsi olan kompleksi Türkiyənin “Gen group Qazaqstan” şirkəti inşa edib. İstixanada artıq Qazaxıstanın iqlim şəraitinə adaptasiya edilmiş banan yetişdirilir. İlk məhsul 6 aydan sonra yığılacaq. İstixanada gələcəkdə manqo, avokado kimi meyvələrin yetişdirilməsi nəzərdə tutulur. Ekzotik meyvələrlə yanaşı, istixanada pomidor və çiyələk də yetişdirilir. Layinənin ilkin mərhələdə dəyəri 4 milyon ABŞ dolları təşkil edir.

Tarix		Saat
04-10-2023		10:32

Xəbərlər

İtaliyadan növbəti zəfəran soğanaqları Özbəkistana göndəriləcək

İtaliyadan növbəti zəfəran soğanaqları Özbəkistana göndəriləcək

İyunun 9-da Özbəkistan Prezidenti Şavkat Mirziyoyev İtaliyaya rəsmi səfər çərçivəsində Milanda aparıcı şirkətlərin rəhbərləri ilə görüş keçirib. Görüşdə dövlət başçısına Cizak bölgəsinin Baxmal rayonunda zəfəranın yetişdirilməsi, emalı və ixracı, həmçinin zəfəranın Avropa bazarlarına tədarükü barədə təqdimat nümayiş etdirilib. Zəfəran plantasiyalarının genişləndirilməsi və becərilmə həcminin artırılması məqsədilə Milandan bitkinin soğanaqlarından ibarət növbəti yük maşınlarının sentyabr ayının ikinci ongünlüyündə Özbəkistana göndərilməsinə hazırlıq görülür.

Tarix		Saat
18-09-2023		11:02

Xəbərlər

Azərbaycanda Üzüm və Şərab Festivalı keçiriləcək

Azərbaycanda Üzüm və Şərab Festivalı keçiriləcək

Sentyabrın 29-da Azərbaycan Dövlət Turizm Agentliyi və Şamaxı Rayon İcra Hakimiyyətinin təşkilatçılığı ilə Şamaxıda Üzüm və Şərab Festivalı keçiriləcək. Üç gün davam edəcək festivalın məqsədi yerli üzüm və şərab istehsalının təşviqi, şərab məhsullarının ixrac potensialının artırılması, Azərbaycanda üzümçülük və şərab istehsalı tarixinin və bu sahədə görülən işlərin geniş ictimaiyyətə çatdırmaqdır. Bu il keçiriləcək festivalda da üzüm istehsalı və şərabçılıq, ölkənin turizm potensialı ilə bağlı müxtəlif maarifləndirici və əyləncəli tədbirlər olacaq. Meysəri kəndindəki “Şirvan şərabları” MMC-nin üzümçülük və şərabçılıq kompleksinin ərazisi sərgi, əyləncə, uşaq, piknik, suvenir və digər zonalara bölünəcək, şərab və yemək pavilyonları quraşdırılacaq. Ziyarətçilər yerli və xarici istehsalçıların şərab məhsullarını dequstasiya etmək, bəyəndikləri məhsulları ən sərfəli - zavod qiymətinə əldə etmək, ustad dərslərində iştirak, şərab evlərinin maraqlı hekayələrini dinləmək imkanı qazanacaqlar. Festival şərab istehsalçılarına yeni işguzar əlaqələr qurmaq, məhsullarını geniş auditoriyaya tanıtmaq imkanı yaradacaq. Ziyarətçilər festival günlərində maraqlı şou proqramın da iştirakçısı olacaqlar. Tədbirdə iştirak iTicket.az saytı vasitəsi ilə mümkündür. Festival oktyabrın 1-də başa çatacaq.

Tarix		Saat
13-09-2023		11:29

Xəbərlər

Azərbaycan və İsrail kənd təsərrüfatı sahəsində yol xəritəsi imzalayıb

Azərbaycan və İsrail kənd təsərrüfatı sahəsində yol xəritəsi imzalayıb

Azərbaycan Kənd Təsərrüfatı Nazirliyi və İsrail dövlətinin Kənd Təsərrüfatı və Kənd Yerlərinin İnkişafı Nazirliyi arasında “Kənd təsərrüfatı sahəsində əməkdaşlıq üzrə Niyyət Bəyannaməsi”, eləcə də “2023-2025-ci illər üçün kənd təsərrüfatı sahəsində əməkdaşlığa dair Yol Xəritəsi” imzalanıb. Sənədlər Azərbaycanda səfərdə olan İsrailin kənd təsərrüfatı və kənd yerlərinin inkişafı naziri Avi Dixterin rəhbərlik etdiyi nümayəndə heyətinin Kənd Təsərrüfatı Nazirliyində keçirilən görüşündə imzalanıb. Bəyannamədə qeyd olunan sahələrdə əməkdaşlığın inkişaf etdirilməsi niyyəti öz əksini tapıb. Bu sahədə fəaliyyətlərin səmərəli şəkildə həyata keçirilməsini təmin etmək məqsədilə birgə işçi qrupunun yaradılması nəzərdə tutulur. Görüşdə Azərbaycan və İsrail arasında aqrar sahədə əməkdaşlıq, kənd təsərrüfatı sahəsində ticarət dövriyyəsinin artırılması, heyvandarlıq və toxumçuluq sahələrində ən müasir texnologiyaların transferi, aqrar tədqiqatlar və təcrübə proqramları sahələrində əməkdaşlığın genişləndirilməsi, suvarma sahəsində İsrail təcrübəsi məsələləri müzakirə olunub. Görüş zamanı qarşılıqlı maraq doğuran məsələlər barədə geniş fikir mübadiləsi aparılıb.

Tarix		Saat
13-09-2023		11:13

Xəbərlər

Qazaxıstan kənd təsərrüfatı məhsullarının ixracını artırıb

Qazaxıstan kənd təsərrüfatı məhsullarının ixracını artırıb

Bu ilin ilk 6 ayı ərzində Qazaxıstandan kənd təsərrüfatı məhsullarının ixracı illik müqayisədə 5% artaraq dəyəri 2,7 milyard ABŞ dolları təşkil edib. Bitkiçilik məhsullarının ixracı 4,7%, heyvandarlıq məhsullarının ixracı isə 18% artıb. Emal edilmiş məhsulların ixracında isə artım 5%-ə bərabər olub. Xarici bazarlara ən çox ixrac olunmuş məhsulların ilk beşliyinə buğda, un, günəbaxan yağı, kətan toxumları və arpa daxildir.

Tarix		Saat
13-09-2023		11:01

Xəbərlər

Özbəkistanda yeni pomidor sortu yaradılıb

Özbəkistanda yeni pomidor sortu yaradılıb

Özbəkistanda “Müstəqillik-28” adlı yeni yüksək məhsuldarlı pomidor sortu yaradılıb. Yeni sortun məhsuldarlığı ölkədə yetişdirilən digər sortlarla müqayisədə 4-5 dəfə yüksəkdir. “Müstəqillik-28” sortu şəkər tərkibi, daşınma və digər xüsusiyyətlərinə görə də fərqlənir. Məhsuldarlığı bir hektardan təxminən 180-200 ton təşkil edir. İlk yığımda məhsulun təqribən 90%-ni, ikinci yığımda isə yerdə qalan 10%-ni yığmaq mümkündür.

Tarix		Saat
13-09-2023		10:22

Xəbərlər

Gürcüstana buğda idxalı 40% artıb

Gürcüstana buğda idxalı 40% artıb

Gürcüstana buğda idxalı təqribən 40% artaraq bu ilin 7 ayı ərzində dəyəri 27 milyon ABŞ dolları təşkil edib. “Galt&Taggart” investisiya bankının hesabatına əsasən, ötən il eyni göstərici 19 milyon ABŞ dollarına bərabər olub. Hesabatda qeyd olunub ki, 2023-cü ilin avqustunda buğdanın qiyməti 2,2% artıb. “Buğda tədarükü ilə bağlı qeyri-müəyyənlik qalmaqdadır. Bu, Rusiya-Ukrayna münaqişəsi və taxıl sazişinin dayandırılması ilə bağlıdır”, - sənəddə deyilir.

Tarix		Saat
13-09-2023		09:38

Xəbərlər

Azərbaycan və Özbəkistan fındıq yetişdirməyi planlaşdırır

Azərbaycan və Özbəkistan fındıq yetişdirməyi planlaşdırır

Azərbaycanın “Agrarco” şirkəti və Özbəkistanın Kənd Təsərrüfatı Nazirliyi arasında fındıq yetişdirilməsi haqqında memorandum imzalanıb. Danışıqlar zamanı tərəflər Özbəkistanda fındıq yetişdirilməsi və emalı mövzusuna toxunublar. “Həmçinin fındıq yetişdirilməsi sahəsində təlim keçmək üçün ekspertlərin Azərbaycana göndərilməsi və təcrübə mübadiləsinin aparılması perspektivləri müzakirə olunub. Görüşün məqsədi fındığın yetişdirilməsi, emalı və bağçılığın inkişafı təcrübəsi ilə tanışlıqla bağlı olub”, – deyə Özbəkistanın Kənd Təsərrüfatı Nazirliyindən bildirilib. Bundan başqa, iki ölkə arasında kənd təsərrüfatı sahəsində əlaqələrin təşviqi və inkişafı məsələləri də müzakirə olunub.

Tarix		Saat
28-08-2023		12:26

Xəbərlər

Türkiyənin quru meyvə ixracının dəyəri milyard dolları ötüb

Türkiyənin quru meyvə ixracının dəyəri milyard dolları ötüb

2022-2023-il mövsümündə Türkiyədən quru meyvə ixracının dəyəri 1,103 milyard ABŞ dollarına çatıb. Bu barədə Egey bölgəsinin Quru meyvə İxracatçıları Birliyinin rəhbəri Mehmet Ali İşık bildirib. O qeyd edib ki, Türkiyə dünyada quru meyvə ixracında lider mövqe tutur. İllik müqayisədə ixrac 5% artıb. Türkiyədən qaysı qurusunun əsas idxalçısı ABŞ olub. Bu ölkəyə ixrac 26% artaraq 72 milyon dollara çatıb. İkinci yeri Fransa (40 milyon dollar), üçüncü yeri isə Almaniya tutur (33 milyon dollar). M.A.İşık vurğulayıb ki, Türkiyə orqanik quru meyvə ixracı üzrə dünyada lider olaraq qalır.

Tarix		Saat
28-08-2023		12:06

Xəbərlər

Qazaxıstanda banan yetişdirilməsinə başlanılıb

Qazaxıstanda banan yetişdirilməsinə başlanılıb

Qazaxıstanda ilk dəfə sənaye miqyasında banan yetişdirilməsinə başlanılıb. Ölkənin Kənd Təsərrüfatı Nazirliyindən bildirilib ki, banan istehsalı üzrə istixana kompleksi Türkistan bölgəsində açılıb. Türkiyənin “GenGroup Qazaqstan” şirkəti bölgədə banan ağacları olan 5,3 hektar sahədə istixana kompleksi inşa edib. Banan sortu xüsusi olaraq yetişdirilib və Qazaxıstanın iqlim şəraitinə adaptasiya edilib. Yaxın zamanlarda istixana 5 hektar genişləndiriləcək və bu da istehsalı ildə min tona qədər artırmağa imkan verəcək.

Tarix		Saat
28-08-2023		11:12

Xəbərlər

Gürcüstandan kənd təsərrüfatı məhsullarının ixracı artıb

Gürcüstandan kənd təsərrüfatı məhsullarının ixracı artıb

Bu ilin yeddi ayı ərzində Gürcüstandan ixrac olunan kənd təsərrüfatı məhsullarının dəyəri 787,5 milyon ABŞ dolları təşkil edib. Bu, ötən ilin eyni göstəricisindən 27,7% çoxdur. Kənd Təsərrüfatı Nazirliyinin məlumatına əsasən, Gürcüstandan Avropa İttifaqına 89 milyon ABŞ dolları dəyərində məhsul ixrac olunub ki, bu da 2022-ci ilin eyni göstəricisindən 2,2% çoxdur. Gürcüstanda içkilər, diri heyvan və digər məhsulların ixracında artım qeydə alınıb. Alkoqollu içkilər, şərab, alkoqolsuz qazlaşdırılmış içkilər, qaragilə və meyvə konservlərinin ixracında xüsusi artım olub.

Tarix		Saat
28-08-2023		10:51

Xəbərlər

“YURT” Türkiyənin Growmach sərgisinin informasiya dəstəkçisi olub

“YURT” Türkiyənin Growmach sərgisinin informasiya dəstəkçisi olub

YURT MMC Türkiyənin Growmach Traktor, Kənd Təsərrüfatı Maşınları, Avadanlıqları və Texnologiyaları Sərgisinin informasiya dəstəkçisi statusunu əldə edib. Tərəfdaşlıq haqqında razılaşmaya əsasən, “YURT” bu ilin oktyabrın 10-14-də Antalya şəhərində keçiriləcək sərgiyə fəal informasiya dəstəyi göstərir. “YURT” informasiya dəstəkçisi olmaqla yanaşı, “Growmach” sərgisinə iştirakçı qismində də qatılacaq. Qeyd edək ki, “Growmach” Yaxın Şərq, Afrika, Balkanlar, Avropa, Şimali və Cənubi Amerika, Rusiya və MDB ölkələrindən olan sənaye mütəxəssislərini ən son texnologiyalar və yeni məhsullarla bir araya gətirəcək. Tədbir Antalya Anfaş Sərgi Mərkəzində təşkil olunacaq.

Tarix		Saat
10-08-2023		10:05

Xəbərlər

Özbəkistan 3 milyon dollar dəyərində limon ixrac edib

Özbəkistan 3 milyon dollar dəyərində limon ixrac edib

Bu ilin yanvar-iyun aylarında Özbəkistandan 7 ölkəyə 3,5 min ton limon ixracı həyata keçirilib. Məhsulun ümumi dəyəri 2,9 milyon ABŞ dollarına bərabər olub. 2022-ci ilin eyni dövrü ilə müqayisədə limonun ixrac həcmi 968 ton artıb. Hesabat dövründə Özbəkistandan ən çox liman tədarük edən ölkə Rusiya (2,7 min ton) olub. Qırğızıstan (388 ton) və Qazaxıstan da (357 ton) əsas idxalçıların ilk üçlüyünə daxildir.

Tarix		Saat
09-08-2023		15:08

Xəbərlər

Qazaxıstanda yağlı bitkilərin əkin sahələri 20% azalıb

Qazaxıstanda yağlı bitkilərin əkin sahələri 20% azalıb

Qazaxıstanda cari ildə yağlı bitkilərin toxumları 2,8 milyon hektarda əkilib. Ötən illə müqayisədə azalma təxminən 20% və yaxud 0,7 milyon hektar təşkil edib. Bu, son 5 ildə ən aşağı göstəricidir. Qeyd edək ki, neqativ dinamika 8 ildə ilk dəfədir müşahidə olunur. 2016-cı ildən 2022-ci ilədək yağlı birkilərin əkin sahələri sabit olaraq nəzərəçarpacaq templərlə artırdı. Orta hesabla illik artım 8,3% təşkil edirdi.

Tarix		Saat
09-08-2023		14:35

Xəbərlər

Gürcüstanın diri toyuq ixracı və idxalı artıb

Gürcüstanın diri toyuq ixracı və idxalı artıb

Gürcüstanın diri toyuq ixracı və idxalında artım qeydə alınıb. Ölkənin Milli Statistika İdarəsindən bildirilib ki, bu ilin yanvar-iyun aylarında Gürcüstandan 3,725 milyon ABŞ dolları dəyərində diri toyuq ixrac edilib. Ötən ilin eyni dövründə göstərici 2,829 milyon ABŞ dolları idi. İdxala gəlincə, Gürcüstan cari ilin ilk 6 ayında 2,661 milyon ABŞ dolları dəyərində diri toyuq tədarük edib. 2022-ci ilin analoji dövründə göstərici 2,014 milyon ABŞ dolları təşkil edib. Diri toyuqların idxal olunduğu ölkələr: Türkiyə - 1,557 milyon ABŞ dolları Macarıstan - 660 min ABŞ dolları Hollandiya - 307,6 min ABŞ dolları Belçika - 130,7 min ABŞ dolları Çexiya - 5,8 min ABŞ dolları Diri toyuqların ixrac olunduğu ölkələr: Azərbaycan - 2 650 milyon ABŞ dolları Ermənistan - 1,075 milyon dollar [BPN]

Tarix		Saat
09-08-2023		14:05

Xəbərlər

Growmach kənd təsərrüfatı texnikasının son yeniliklərinə ev sahibliyi edəcək

Growmach kənd təsərrüfatı texnikasının son yeniliklərinə ev sahibliyi edəcək

Informa tərəfindən bu ilin 10-14 oktyabr tarixində ilk dəfə həyata keçiriləcək Growmach Traktor, Kənd Təsərrüfatı Maşınları, Avadanlıqları və Texnologiyaları Sərgisi sektorda yerli və xarici güclü markaları bir araya gətirməyə hazırlaşır. Antalya Anfaş Sərgi Mərkəzində düzənlənəcək önəmli tədbir üçün hazırlıqların aparıldığını qeyd edən Sərgi direktoru Engin Er bildirib ki, beynəlxalq kənd təsərrüfatı texnikası mütəxəssisləri “Growmach”da kənd təsərrüfatında ən son texnologiyalar və kənd təsərrüfatında avtomatlaşdırma sahəsində yeni məhsullarla tanış olmaq imkanı əldə edəcəklər. Qeyd edək ki, “Yurt” sərginin informasiya dəstəkçisi statusunu əldə edib. Ətraflı bu linkdə.

Tarix		Saat
08-08-2023		09:31

Xəbərlər

“YURT” Səudiyyə Ərəbistanının aparıcı sərgi təşkilatçısı ilə tərəfdaş olub

“YURT” Səudiyyə Ərəbistanının aparıcı sərgi təşkilatçısı ilə tərəfdaş olub

YURT MMC Səudiyyə Ərəbistanının aparıcı sərgi təşkilatçısı olan Riyadh Exhibitions Company Ltd. (REC) şirkəti ilə tərəfdaş olub. Tərəfdaşlıq haqqında razılaşma çərçivəsində “YURT” şirkətin təşkil etdiyi 40-cı “Saudi Agriculture” Beynəlxalq Ticarət Sərgisinin media tərəfdaşı statusunu əldə edib. Qarşılıqlı razılaşmaya əsasən, şirkətlər bir-birinə fəal informasiya dəstəyi göstərəcəklər. “Saudi Agriculture” Beynəlxalq Ticarət Sərgisi haqqında məlumat və reklam bannerləri www.yurt.farm saytının səhifələrində yerləşdirilib, “YURT”un banneri isə REC şirkətinin saytında yer alıb. Qeyd edək ki, REC Səudiyyə Ərəbistanının qabaqcıl və aparıcı ticarət tədbirlərinin və sərgilərinin təşkilatçısıdır. Son 40 il ərzində regionun ən böyük bazarının mərkəzində uğurlu beynəlxalq B2B tədbirlər həyata keçirir. “YURT”un informasiya dəstəyi verdiyi “Saudi Agriculture” Beynəlxalq Ticarət Sərgisi bu ilin 23-26 oktyabr tarixində Ər-Riyad şəhərində keçiriləcək.

Tarix		Saat
03-08-2023		17:36

Xəbərlər

Özbəkistan yemiş ixracından 16,7 mln dollar qazanıb

Özbəkistan yemiş ixracından 16,7 mln dollar qazanıb

Bu ilin ilk altı ayında Özbəkistandan ümumi dəyəri 16,7 milyon ABŞ dolları olan 80 min ton yemiş ixrac edilib. İllik müqayisədə ixracın həcmi 16,8 min ton artıb. Özbək yemişinin əsas idxalçıları Qazaxıstan (35,7 min ton), Rusiya (29,3 min ton) və Qırğızıstan (12,6 min ton) olub.

Tarix		Saat
02-08-2023		11:04

Xəbərlər

Qazaxıstanda kətan toxumunun qiyməti artır

Qazaxıstanda kətan toxumunun qiyməti artır

Qazaxısanda kətan toxumunun qiymətində artım müşahidə olunur. Bu tendensiyanı mövsüm zamanı ehtiyatların azalması fonunda toxumlarla bağlı təkliflərin sayının azalması şərtləndirib. Bazar iştirakçıları bildirirlər ki, buna səbəb həm də Çinin Qazaxıstandan kətan toxumlarını fəal şəkildə idxal etməsidir.

Tarix		Saat
31-07-2023		13:08

Xəbərlər

Türkiyə şirkəti Qazaxıstanda iri aqrolayihələr həyata keçirəcək

Türkiyə şirkəti Qazaxıstanda iri aqrolayihələr həyata keçirəcək

Türkiyənin iri “Alarko Holding” şirkəti Qazaxıstanın kənd təsərrrüfatı sektorunda bir sıra layihələr reallaşdıracaq. Şirkət istixana komplekslərinin, mineral gübrə istehsalı müəssisələrinin inşası və qida məhsullarının emalı və satışı üzrə layihələri nəzərdən keçirir. Əməkdaşlıq perspektivləri Qazaxıstanın kənd təsərrüfatı nazirinin müavini Baqlan Bekbauov və holdinqin prezidenti Nuri Yıldız arasında keçirilən görüşdə müzakirə olunub. “Alarko Holding” – nəqliyyat, neft-qaz, energetika, sənaye, turizm və digər sahələrdə layihələrə investisiya yatıran və reallaşdıran ən iri şirkətlərdən biridir. 2030-cu ilə qədər holdinq kənd təsərrüfatı sahəsinə təqribən 100 milyon ABŞ dolları həcmində sərmayə yönəltməyi planlaşdırır.

Tarix		Saat
31-07-2023		12:47

Xəbərlər

Gürcüstanda pomidor bahalaşıb

Gürcüstanda pomidor bahalaşıb

Gürcüstanda son həftədə pomidorun qiyməti artıb. İyulun 21-də məhsulun 1 kiloqramı 2,20 lari təşkil edirdi, bir həftə öncə isə qiymət 1,20 lari olub. Analoji dəyişiklik 2022-ci ilin eyni dövründə də müşahidə olunub, lakin bu il qiymətlər 10% yüksəkdir. Qiymət artımına səbəb tələbatın yüksək, təklifin isə aşağı səviyyədə olmasıdır. Hazırda qiymət əsas pomidor istehsal olunan region – Şida Kartlidə məhsulun həcmindən asılı olacaq. Gürcüstanda illik pomidor istehsalının 30-50%-i bu bölgənin payına düşür. [EastFruit]

Tarix		Saat
27-07-2023		13:00

Xəbərlər

Türkiyənin hamsi balığı ixracı 5,8 mln dolları ötüb

Türkiyənin hamsi balığı ixracı 5,8 mln dolları ötüb

Bu ilin yanvar-iyun aylarında Türkiyədən hamsi balığının ixrac həcmi illik müqayisədə 7% artaraq 5 823 665 ABŞ dollarına çatıb. İxrac 23 ölkəyə həyata keçirilib. Hamsi balığının əsas idxalçıları Fransa, Belçika və ABŞ olub. Məhsul ötən ilin eyni dövründən fərqli olaraq İsveç, Özbəkistan, İraq, Livan, Malayziya və Somaliyə də ixrac olunub. [Anadolu]

Tarix		Saat
26-07-2023		12:47

Xəbərlər

Özbəkistanda nektarinin yeni sortları yetişdirilib

Özbəkistanda nektarinin yeni sortları yetişdirilib

Özbəkistanın Kənd Təsərrüfatı Nazirliyinin Bağçılıq, Üzümçülük və Şərabçılıq Elmi-Tədqiqat İnstitutunun seleksiyaçı alimləri nektarinin yeni sortlarını təqdim ediblər. “Xosiyat” və “İfora” adlı sortlar Fərqanədə yerləşən elmti-təcrübə stansiyasında yetişdirilib. Yeni sortların meyvələri kifayət qədər iridir, orta çəkiləri təqribən 200 qram təşkil edir. Tezliklə yeni nektarin sortlarının yetişdirilməsi üçün plantasiyalar salınacaq.

Tarix		Saat
26-07-2023		11:50

Xəbərlər

Gürcüstanın şaftalı ixracı artıb

Gürcüstanın şaftalı ixracı artıb

Bu ilin mayın 1-dən etibarən Gürcüstandan 10,3 min ton şaftalı ixrac olunub. Ölkənin Kənd Təsərrüfatı Nazirliyindən bildirilib ki, ixracdan gəlir 11,1 milyon ABŞ dolları təşkil edib. İllik müqayisədə ixracın həcmi 4%, dəyəri isə 1% artıb. Şaftalı ən çox Rusiya (9 266 ton), Ermənistan (970 ton), Belarus (20 ton) və Ukraynaya (18 ton) ixrac edilib.

Tarix		Saat
24-07-2023		12:56

Xəbərlər

“YURT”un Özbəkistanda ilk tərəfdaşı – “International Expo Group”

“YURT”un Özbəkistanda ilk tərəfdaşı – “International Expo Group”

YURT MMC Özbəkistanın “International Expo Group” (IEG) sərgi şirkəti ilə tərəfdaşlıq əlaqələri qurub. “YURT” şirkətin təşkil etdiyi XVIII Beynəlxalq “UzAgroExpo” beynəlxalq sərgisinin informasiya dəstəkçisi statusunu əldə edib. Beləliklə, IEG “YURT”un Özbəkistanda ilk tərəfdaşı olub. Qarşılıqlı razılaşmaya əsasən, “UzAgroExpo” sərgisi haqqında məlumat və reklam bannerləri www.yurt.farm saytının səhifələrində yerləşdirilib, “YURT”un banneri isə sərginin www.ieg.uz/uzagroexpo rəsmi səhifəsində “İnformasiya dəstəkçiləri” bölməsində yer alıb. Qeyd edək ki, IEG Özbəkistanda beynəlxalq sərgilərin ən böyük təşkilatçılarından biridir. Şirkət 2004-cü ildən fəaliyyət göstərir. Bu gün IEG 11 beynəlxalq layihənin təşkilatçısı kimi çıxış edir. “YURT”un informasiya dəstəyi verdiyi “UzAgroExpo” sərgisi bu ilin noyabrın 22-24-də Daşkənd şəhərində keçiriləcək.

Tarix		Saat
24-07-2023		10:48

1
2
3