Грузияда агротуризм және шарап туризмімен айналысатын іскерлерге салық жеңілдіктерін енгізу жоспарланып отыр.  Бұл өзгерістер Салық кодексіне Парламент бюросының бастамасымен енгізілетін болады.

Ұсынылған түзетулерге сәйкес, салық жеңілдіктері жылдық табысы 500 мың лариден аспайтындарға ғана қолданылады. Жобаға сәйкес, агротуризм немесе шарап туризмімен айналысатын іскерлер  табыстары мен жалақыларына табыс салығын төлеуден босатылады. Бұл ереже тиісті рұқсат берілгеннен кейін күнтізбе бойынша он жыл ішінде жарамды болады.

Өзгерістер 2025 жылдың 1 шілдесінен бастап күшіне енуі тиіс.