საქართველოში დაგეგმილია საგადასახადო შეღავათების შემოღება აგროტურიზმით და ღვინის ტურიზმით დაკავებული პირებისთვის. ეს ცვლილებები საგადასახადო კოდექსში პარლამენტის ბიუროს ინიციატივით განხორციელდება.

შემოთავაზებული ცვლილებების მიხედვით, საგადასახადო შეღავათები გავრცელდება მხოლოდ მათზე, ვისი წლიური შემოსავალი არ აღემატება 500 ათას ლარს. პროექტის მიხედვით, აგროტურიზმით ან ღვინის ტურიზმით დაკავებული პირები გათავისუფლდებიან საშემოსავლო გადასახადისგან შემოსავლებსა და ხელფასზე. ეს წესი იმოქმედებს შესაბამისი სტატუსის მინიჭებიდან ათი კალენდარული წლის განმავლობაში.

ეს ცვლილებები, სავარაუდოდ, 2025 წლის 1 ივლისს შევა ძალაში.