Son 5 ildə Türkiyədə xurma idxalının dəyəri 260 milyon 971 min dollar təşkil edib.

Ölkənin Statistika İnstitutunun məlumatına əsasən, 2019-cu ildə Türkiyə 37 milyon 321 min dollar dəyərində 37,5 min ton, 2020-ci ildə 45 milyon 782 min dollar dəyərində 42 min 43 ton, 2021-ci ildə 52 milyon 778 min dollar dəyərində 49 min 41 ton, 2022-ci ildə 51 milyon 693 min dollar dəyərində 44 min 486 ton, 2023-cü ildə isə 73 milyon 397 min dollar dəyərində 54 min 458 ton xurma idxal edib.

2023-cü ildə Türkiyənin əsas xurma tədarükçüsü Fələstin (15 milyon 657 min dollar) olub. Əsas idxalçı ölkələrin üçlüyünə Səudiyyə Ərəbistanı (13 milyon 309 min dollar) və İran da (10 milyon 554 min dollar) daxildir.   

Eyni zamanda Türkiyə son 5 ildə 92 milyon 142 min dollar dəyərində xurma ixracı həyata keçirib.