Axtar

Seçilmişlər

Elan yerləşdir

Kateqoriyalar

Dənli bitkilər

Yağlı bitkilər

Yeni elanlar

Bu günə olan elanlar: 0

Satış

BIO

Forel balığı

Forel balığı

Ölkə	Həcmi	Qiymət
Gürcüstan	5-20 Ton	0 GEL

Satış

BIO

Qızılbalıq

Ölkə	Həcmi	Qiymət
Gürcüstan	5-20 Ton	0 GEL

1
2

..

23
24
25
26

Yeniliklər

Xəbərlər

Qazaxıstanda kənd təsərrüfatı dronları istehsal olunacaq

Qazaxıstanda Çinlə birgə kənd təsərrüfatı, neft-qaz, dağ-mədən və digər sahələr üçün nəzərdə tutulmuş dronların istehsalı üzrə birgə müəssisənin yaradılması planlaşdırılır. Bu barədə Qazaxıstanın “Atameken” Milli Sahibkarlar Palatasından bildirilib. Palatada müəssisənin yaradılması barədə müzakirələr aparılıb. Bu layihənin reallaşdırılmasının əhəmiyyəti və istehsalın gələcəkdə lokallaşdırılması vurğulanıb. Dövlət orqanları layihənin həyata keçirilməsinə maraq ifadə ediblər. Görüşün yekununda tərəflər işçi qrupunun yaradılması barədə razılığıa gəliblər.

Tarix Saat

06-05-2024 18:27
Xəbərlər

Gürcüstandan alma ixracı azalıb

2024-cü ilin birinci rübündə Gürcüstandan alma ixracı təqribən 5 dəfə azalıb. Ölkənin Milli Statistika Xidmətinin məlumatına əsasən, yanvar-mart aylarında Gürcüstandan ümumi dəyəri 675,9 min ABŞ dolları olan 961 ton alma ixrac olunub. Ötən ilin eyni dövründə ixrac edilmiş almanın həcmi 4 751 ton, dəyəri isə 3 milyon ABŞ dollarına bərabər olub. Cari ilin əvvəlindən Gürcüstandan almanı əsasən Rusiya tədarük edib, Ermənistana da ixrac həyata keçirilib.

Tarix Saat

06-05-2024 18:13
Xəbərlər

Özbəkistandan 375,3 min ton meyvə-tərəvəz ixrac olunub

Bu ilin ilk üç ayında Özbəkistan 375,3 min ton meyvə və tərəvəz ixrac edib. Ölkənin Statistika Agentliyinin məlumatına əsasən, bu, ötən ilin eyni göstəricisi ilə müqayisədə 72,5% və yaxud 157,7 min ton çoxdur. Əsas ixrac bazarları Pakistan (26,2%), Rusiya (25,1%), Qazaxıstan (10,5%) və Çin (9,2%) olub. 2024-cü ilin yanvar-mart aylarında meyvə-tərəvəz ixracının ümumi ixracda payı 3,4% təşkil edib.

Tarix Saat

06-05-2024 18:04
Xəbərlər

Azərbaycanda aqrar sektor 1 % böyüyüb

Bu ilin I rübündə Azərbaycanda 1 milyard 444,6 milyon manat dəyərində kənd təsərrüfatı məhsulu istehsal edilib. Azərbaycan Dövlət Statistika Komitəsinin məlumatına əsasən, bu, ötən ilin eyni dövrü ilə müqayisədə 1,1 % çoxdur. Son bir ildə ölkədə istehsal olunmuş bitkiçilik məhsullarının dəyəri 2,9 % artaraq 76,1 milyon manat, heyvandarlıq məhsullarının dəyəri isə 1 % artaraq 1 milyard 368,5 milyon manat olub. Yanvar-mart aylarında ölkədə diri çəkidə 139,2 min ton ət, 504,5 min ton süd, 571,7 milyon ədəd yumurta və 96,6 min ton tərəvəz istehsal olunub. 1 il əvvələ nisbətən ət istehsalı 0,6 %, süd istehsalı 0,6 %, yumurta istehsalı 5,2 %, tərəvəz istehsalı 2,7 % artıb.

Tarix Saat

06-05-2024 17:51
Sərgilər

“AgroFood Oman-2024” sərgisi

VI “AgroFood Oman” sərgisi Omanın Kənd Təsərrüfatı, Balıqçılıq, Ətraf mühit və Su ehtiyatları Nazirliyinin himayəsi altında “Al Nimr Expo” və IFP şirkəti tərəfindən 2-4 dekabr 2024-cü il tarixlərində Oman Konqres və Sərgi Mərkəzində keçiriləcək. Bu əsas illik toplantı qərar qəbul edənləri, beynəlxalq maraqlı tərəfləri, regional alıcıları, treyderləri və Oman Sultanlığının 2040-cı ilə qədər iddialı hədəflərini reallaşdıracaq kənd təsərrüfatı, qida və balıqçılıq sektorlarını transformasiya edən innovativ texnologiya və həll təminatçılarını bir araya gətirəcək. Ətraflı məlumatla tədbirin rəsmi saytında tanış olmaq mümkündür: https://omanagrofood.com/

Tarix Saat

23-04-2024 13:20
Sərgilər

“Caspian Agro” və “Interfood Azerbaijan” sərgiləri

2024-cü ilin may ayında Bakı şəhəri ölkənin qeyri-neft sektorunda prioritet sahələrdən olan kənd təsərrüfatı və qida sənayesi üzrə beynəlxalq sərgilərə ev sahibliyi edəcək. Sayca 17-ci olan Azərbaycan Beynəlxalq Kənd təsərrüfatı “Caspian Agro” və 29-cu Azərbaycan Beynəlxalq Qida Sənayesi “InterFood Azerbaijan” sərgiləri 15-17 may tarixlərində Bakı Ekspo Mərkəzində keçiriləcəkdir. Sərgilərdə əhatə olunan sənaye sahələrinə dövlət tərəfindən xüsusi diqqət yetirilir. Uzun illərdir ki, “Caspian Agro” və “InterFood Azerbaijan” sərgilərini ziyarət edən Azərbaycan Respublikasının Prezidenti cənab İlham Əliyev və birinci xanım Mehriban Əliyeva 2023-cü ildə də Bakı Ekspo Mərkəzdə sərgi ekspozisiyaları və iştirakçıları ilə tanış olub. Ölkə rəhbərliyi tərəfindən sərgilərə göstərilən xüsusi diqqət, ölkə başçısının sərgini ziyarət etməsi kənd təsərrüfatı və qida sənayesinin inkişafına və bu sahədə biznes əlaqələrinin genişləndirilməsinə əlavə təkan vermişdir. Sərgilərin çoxsaylı dövlət qurumları tərəfindən dəstəklənməsi və hər il ziyarət edilməsi də bu sərginin ölkəmiz və bütövlükdə region üçün böyük əhəmiyyətindən xəbər verir. Qeyd etmək lazımdır ki, “Caspian Agro” sərgisində Azərbaycan Respublikası Kənd Təsərrüfatı Nazirliyi də fəal iştirak edir və tədbiri yaxından dəstəkləyir. 2023-cü ildə rekord sayda iştirakçı auditoriyasına sahib olmuş sərgi Bakı Ekspo Mərkəzinin bütün mümkün pavilyonlarını və açıq sahəsini əhatə etmişdir. Bu uğurun davamı olaraq, 2024-cü ildə də müxtəlif ölkələrdən çoxsaylı şirkətlərin sərgilərə qatılması nəzərdə tutulur. Hazırda Bakı Ekspo Mərkəzinin həm açıq, həm də qapalı sahələrinin əksər hissəsi sərgi iştirakçıları tərəfindən tutulmuşdur. “Caspian Agro” regionun ən böyük kənd təsərrüfatı sərgisidir. Aqrar-sənaye sektoru iqtisadiyyatın sürətlə inkişaf edən və böyük perspektivləri olan sahəsidir. Sərgi yenidən kənd təsərrüfatı sənayesinin aparıcı iştirakçılarını, yerli və xarici ekspertləri, o cümlədən idxalçılar, ixracatçılar, kənd təsərrüfatı məhsullarının distribütorları, topdan və pərakəndə ticarət nümayəndələri, həmçinin fermerlər də daxil olmaqla minlərlə peşəkar ziyarətçi auditoriyasını bir araya toplayacaq. Sərgi iştirakçıları arasında Azərbaycanla yanaşı ABŞ, Almaniya, Belarus, Belçika, Cənubi Koreya, Çexiya, Çin, Estoniya, Finlandiya, Fransa, Gürcüstan, İsrail, İtaliya, Latviya, Niderland, Rusiya Federasiyası, Serbiya,Türkiyə və şirkətləri yer alacaq. Üç gün davam edəcək “Caspian Agro”nun əsas bölmələrinə kənd təsərrüfatı texnikası, kənd təsərrüfatı obyektləri və avadanlıqları, suvarma sistemi, qablaşdırma, kənd təsərrüfatında innovasiya texnologiyaları, heyvandarlıq və quşçuluq, istixana, yemlər, baytarlıq, bitkiçilik, gübrə, meyvə və tərəvəzlərin yetişdirilməsi daxildir. “Caspian Agro” ilə paralel olaraq, Xəzər regionunda qida sənayesi nümayəndələrinin əsas görüş yeri olan 29-cu Azərbaycan Beynəlxalq Qida Sənayesi Sərgisi “InterFood Azerbaijan” təşkil ediləcək. Sərgidə Azərbaycanla yanaşı, Belarus, Çin, Hindistan, İran, İtaliya, Polşa, Rusiya Federasiyası, Şri-Lanka, Tayland, Türkmənistan, Türkiyə və Venesueladan olan şirkətlər təmsil olunacaq. “InterFood Azerbaijan” − sərgi iştirakçılarının öz məhsullarının real satışını həyata keçirdikləri, öz şirkətləri üçün distribütorlar və nümayəndələr tapdıqları fürsət məkanıdır. Vahid platformada dondurulmuş qidalar və yarımfabrikatlar, qənnadı və un məhsulları, konservləşdirilmiş qidalar, ət məmulatları, süd məmulatları, meyvə-tərəvəzlər, yağ məhsulları, şirələr, çay, sağlam qidalar, eləcə də meyvə-tərəvəz emalı üçün avadanlıqlar, paketlər və bir sıra digər məhsullar təqdim olunacaq. Ənənəvi olaraq, sərgilər çərçivəsində ikitərəfli işgüzar görüşlər (B2B və B2G) keçiriləcəkdir. Burada yerli və xarici şirkətlərin nümayəndələri üzbəüz formatda əməkdaşlıq və gələcək tərəfdaşlıq yollarını müzakirə edə biləcəklər. Bundan əlavə, ikitərəfli işgüzar görüşlər çərçivəsində özəl şirkətlərin nümayəndələri dövlət qurumlarının təmsilçiləri ilə görüş imkanı əldə edəcəklər. 2024-cü ildə keçiriləcək sərgidə ilk dəfə olaraq “Agro Hackathon” müsabiqəsi keçiriləcəkdir. Sözügedən müsabiqədə proqram tərtibatçıları, interfeys dizaynerləri və kompüter proqramçılarından təşkil olunan komandalar bir araya gələrək kənd təsərrüfatı sahəsinə aid texnoloji həllər tapacaq və yeni layihələr ərsəyə gətirəcəklər. Qalib komandalar pul mükafatı və digər qiymətli hədiyyələrlə mükafatlandırılacaqlar. Bundan başqa, sərgilərdə ətraf mühitə zərərli təsirlərin ixtisar olunması istiqamətində səmərəli yolların axtarışı baxımından kənd təsərrüfatının dayanıqlı intensivləşdirilməsi və iqlim dəyişikliyi (Sustainable Agriculture and Climate Change) konsepsiyası özəlliklə vurğulanacaqdır. Bu konsepsiya aqrar sahədə məhsul istehsalının artırılması və eyni vaxtda ekologiyanın qorunması arasında tarazlığın yaradılmasına yönəldilib. Kənd təsərrüfatının dayanıqlı intensivləşdirilməsi və iqlim dəyişikliyi konsepsiyası sərginin loqosunda da öz əksini tapmışdır. Sərgilərin tədbirlər proqramı çərçivəsində hər il mütəmadi olaraq keçirilən "Qızıl Şah" Milli Kulinariya Çempionatı baş tutacaq. 2024-cü ildə ilk dəfə olaraq, bu çempionat çərçivəsində “Beynəlxalq Kulinariya Çempionatı” təşkil olunacaq və bu yarışmada 7 müxtəlif ölkədən kulinarlar, eləcə də 15 ölkədən beynəlxalq hakimlər iştirak edəcəklər. Bundan başqa, sərginin təqdimat zonasında “Beynəlxalq Aqrar İnnovasiyalar Forumu” təşkil olunacaqdır. Forumda "Dayanıqlı kənd təsərrüfatının inkişafı iqlim dəyişikliyində", "Kənd təsərrüfatında davamlı su idarəetməsi üçün innovativ yanaşmalar", "Kənd təsərrüfatında rəqəmsal biliklərin artırılması" və digər mövzular müzakirə olunacaq. Beləliklə, sərgilərdə iştirak edən şəxslər yeniliklərlə tanış olmaq, ixtisaslı mütəxəssislərlə məsləhətləşmək və müxtəlif iştirakçıların təkliflərini nəzərdən keçirmək imkanı əldə edəcəklər. Sərgilərin rəsmi dəstəkçiləri Azərbaycan Respublikası Kənd Təsərrüfatı Nazirliyi, Azərbaycan Respublikasının Qida Təhlükəsizliyi Agentliyi (AQTA), Azərbaycan Respublikasının Kiçik və Orta Biznesin İnkişafı Agentliyi (KOBİA), Azərbaycan Respublikasının İxracın və İnvestisiyaların Təşviqi Agentliyi (AZPROMO), Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK), Azərbaycan Sərgi Təşkilatçıları Assosiasiyası (ASTA), Azərbaycan Qida və İçki Sənayeçiləri Assosiasiyası (AQİSA) və BMT-nin Ərzaq və Kənd Təsərrüfatı Təşkilatıdır (FAO). “Caspian Agro” sərgisinin sponsoru “traktor.az” və “Rostselmash” şirkətləridir. “Caspian Agro” və “InterFood Azerbaijan” sərgilərinin təşkilatçıları “Caspian Event Organisers” şirkəti, eləcə də onların tərəfdaşları olan “Caspian Event Management” və “ICA Events” şirkətləridir. Eyni zamanda, sərgilər Azərbaycan Sərgi Təşkilatçıları Assosiasiyası (ASTA) tərəfindən aktiv şəkildə dəstəklənir. Sərgilər haqqında ətraflı məlumatı https://caspianagro.az və https://interfood.az rəsmi internet səhifələrindən əldə etmək mümkündür.

Tarix Saat

11-04-2024 15:10