Axtar

Seçilmişlər

Elan yerləşdir

Yeniliklər

Sərgilər

“Made in Qatar” sərgisi

“Made in Qatar” sərgisi

IX “Made in Qatar” sərgisi bu ilin noyabrın 29-dan dekabrın 2-dək Doha Sərgi və Konqres Mərkəzində Qətər Palatasının Ticarət və Sənaye Nazirliyi ilə birgə təşkilatçılığı ilə keçiriləcək. Sərgi 2009-cu ildə yarandığı gündən Qətər Dövlətinin Əmiri Şeyx Təmim bin Həməd Al Tani tərəfindən dəstəklənir. 30 min kvadrat metr ərazini əhatə edən sərgi Qətər sənayesini və məhsullarını bir araya gətirən böyük platforma rolunu oynayır, məqsədi Qətər sənayesini gücləndirmək və yerli məhsulları tanıtmaq, qətərli iş adamları ilə yerli şirkətlər arasında əməkdaşlığı gücləndirmək və potensial tərəfdaşlıqla bağlı müzakirələrin aparılmasını asanlışdırmaqdır. Daha ətraflı məlumatla sərginin www.madeinqatar.com.qa rəsmi saytında tanış olmaq mümkündür.

Tarix		Saat
21-11-2023		20:16

Xəbərlər

Tbilisidə beynəlxalq kənd təsərrüfatı sərgisi keçirilir

Tbilisidə beynəlxalq kənd təsərrüfatı sərgisi keçirilir

Tbilisidə 21-ci “Agro, Food, Drink, Tech Expo 2023” beynəlxalq kənd təsərrüfatı sərgisi keçirilir. Noyabrın 17-də “Expo Georgia” sərgi mərkəzində açılan sərgi noyabrın 19-dək davam edəcək. Tədbirin məqsədi kənd təsərrüfatı sahəsinin inkişafı, yerli sahibkarların populyarlaşdırılması və Gürcüstanda texnoloji yeniliklərin tətbiqini təşviq etməkdir. Sərgidə Gürcüstan, İtaliya, Polşa, Türkiyə, Ukrayna, Hindistan, Çin və Belarusdan 70 şirkət iştirak edir. Sərgidə kənd təsərrüfatı texnikası, qablaşdırma materialları, istixana texnologiyaları və avadanlıqları, suvarma sistemləri, laboratoriya avadanlıqları, gübrələr, pestisidlər və s. təqdim olunub.

Tarix		Saat
18-11-2023		17:16

Xəbərlər

Skandinaviya ölkələri Gürcüstandan fındıq idxalında maraqlıdır

Skandinaviya ölkələri Gürcüstandan fındıq idxalında maraqlıdır

“Skandinaviya ölkələri Gürcüstandan fındıq idxalına maraq ifadə edirlər”. Bunu “GPR Nuts” şirkətinin həmtəsisçisi Baya Salukvadze bildirib. Onun sözlərinə görə, Aİ ölkələri Gürcüstandan fındıqçılıq məhsulları üçün əsas ixrac bazarları olaraq qalır, bu, ilk növbədə Almaniya və İtaliyaya aiddir və son dövrlər Fransa da əhəmiyyətli dərəcədə fəallaşıb. B.Salukvadze qeyd edib ki, bu il Gürcüstanda 40-45 min ton fındıq məhsulu gözlənilir ki, bu da ötənilki göstəricilərdən azdır. Azalmaya səbəb iqlim şəraiti və qeyri-sabit havadır.

Tarix		Saat
08-11-2023		17:19

Xəbərlər

Azərbaycanda kartof istehsalı azalıb

Azərbaycanda kartof istehsalı azalıb

Bu il Azərbaycanda kartof istehsalı azalıb. Dövlət Statistika Komitəsinin aylıq hesabatına əsasən, oktyabr ayının 1-nə kimi 981,9 min ton kartof yığılıb. Bu, ötən ilin eyni dövrü ilə müqayisədə 3,9 faiz azdır.

Tarix		Saat
08-11-2023		17:00

Xəbərlər

Özbəkistanda aqrodronların istehsalı planlaşdırılır

Özbəkistanda aqrodronların istehsalı planlaşdırılır

Özbəkistanda kənd təsərrüfatı sektoru üçün pilotsuz uçuş aparlatlarının istehsalı planlaşdırılır. EastFruit analitik portalının məlumatına əsasən, aqrodronlar “Navoi” azad iqtisadi zonasında istehsal ediləcək. Layihənin təxmini dəyəri 80 milyon ABŞ dolları təşkil edir. Aqrodronların işlənib hazırlanması və istehsalına rusiyalı mütəxəssislər kömək edəcək.

Tarix		Saat
08-11-2023		15:06

Xəbərlər

Qazaxıstandan Türkiyəyə buğda ixracı 75% artıb

Qazaxıstandan Türkiyəyə buğda ixracı 75% artıb

Bu ilin yanvar-avqust aylarında Qazaxıstanla Türkiyə arasında ticarət dövriyyəsi 3,9 mlrd. ABŞ dolları təşkil edib. Qazaxıstandan Türkiyəyə ixracın dəyəri 2,6 mlrd. ABŞ dollarına bərabər olub. Ölkənin İqtisadiyyat Nazirliyindən bildirilib ki, buğda ixracı 75% artaraq 51 mln. ABŞ dollarına çatıb. Türkiyə Qazaxıstanın ən əsas ticarət tərəfdaşlarından biridir. 2022-ci ildə Türkiyə Qazaxıstanın ticarət dövriyyəsində IV yeri tutub.

Tarix		Saat
08-11-2023		14:44

Xəbərlər

Gürcüstanda zəfəran yığımına başlanılıb

Gürcüstanda zəfəran yığımına başlanılıb

Gürcüstanda bu ölkə üçün nadir olan zəfəran bitkisinin yığımına başlanılıb. Yetişdirilmiş zəfəran ekoloji təmiz məhsuldur və bir sıra Avropa ölkələrinin keyfiyyət sertifikatlarını alıb. Zəfəran çoxillik bitkidir, zanbaqçiçəklilər fəsiləsinə aiddir. Payız aylarında çiçəkləyir, oktyabrın sonu - noyabrın əvvəlində isə onun ədviyyat kimi tanıdığımız tellərini yığmaq lazım gəlir. Zəfəranın faydaları sadalamaqla bitməz. Qiymətli bitkinin insan orqanizminə çox böyük faydaları var, ondan tibbi müalicələrdən tutmuş qidaların və kosmetik vasitələrin hazırlanmasına qədər istifadə olunur.

Tarix		Saat
23-10-2023		14:05

Sərgilər

21-ci Orta Şərq Orqanik və Təbii Məhsullar Sərgisinin iştirakçı sayında 300 %-lik artım

21-ci Orta Şərq Orqanik və Təbii Məhsullar Sərgisinin iştirakçı sayında 300 %-lik artım

Orta Şərq Orqanik və Təbii Məhsullar Sərgisi (Organic Expo Dubai) regionda bio, orqanik, təbii və ekoloji cəhətdən təmiz məhsullara fokuslanan ən uzun müddət davam edən və yeganə işgüzar tədbirlərdən biridir. Məhsullar qida və içki, kosmetika və gözəllik, təbii sağlamlıq, yaşayış və ətraf mühit sahələrini əhatə edir. 21-ci Organic Expo Dubai 12-14 dekabr tarixlərində Dubay Dünya Ticarət Mərkəzində (DWTC) keçiriləcək və yerlərdən 90%-dən çoxu artıq rezerv edilib. Rəsmi ölkə pavilyonlarının və sərgi iştirakçılarının sayı keçən illə müqayisədə 235-dən bu il 350-yə yüksəlib. Bu, 59-dan çox ölkədən olan tədarükçülərə/istehsalçılara alıcılarla, yəni pərakəndə satıcılar, idxalçılar, distribütorlar, təkrar ixracatçılar, HORECA ilə əlaqə qurmağa dəstək olan regionda yeganə platformadır. Organic Expo Dubai, yeni brendlərin Yaxın Şərqdə mühüm distribütorlar və topdansatışçılarla yaxınlaşmasını asanlaşdıran dinamik platforma kimi inkişaf edir. 12 000-dən çox işgüzar ziyarətçinin iştirak etdiyi ekspozisiya, arzulanan brendlər və regionun kommersiya ekosistemində əsas oyunçular arasındakı boşluğu azaldacaq bir körpü rolunu oynayır. Sərgi iştirakçılarının sayında 300%-lik artım ilə Organic Expo Dubai 2023 indiyədək ən uğurlu sərgilərdən birinə doğru yolu təyin edir, tədbir təşkilatçısı “GL Exhibitions” şirkətinin baş meneceri Shinu Pillai deyib. Yaxın Şərq ərzaq və içki bazarı artan əhali, artan sərvət, dəyişən pəhriz vərdişləri, artan turizm və dövlət dəstəyi hesabına böyüyür. Bu amillər yüksək keyfiyyətli və dayanıqlı seçimlərə tələbi artırır və bazarda davamlı böyüməyə təkan verir. Bölgədə orqanik və təbii, təzə məhsullar, ədviyyatlar, quru meyvələr, bal, çay və qəhvə, uşaq qidası, ev heyvanları məhsullarına artan tələbatla üz-üzədir. Sərgi və keçiriləcək digər tədbirlər haqqında daha ətraflı məlumat üçün bu elektron poçt ünvanına [email protected] yaza və ya veb saytımıza daxil olub sərgi üçün müraciətinizi təqdim edə bilərsiniz: https://organicandnatural.com/book-your-spot/

Tarix		Saat
20-10-2023		09:08

Sərgilər

AGROEXPO - Türkiyənin ən böyük Beynəlxalq Kənd Təsərrüfatı və Heyvandarlıq Sərgisi

AGROEXPO - Türkiyənin ən böyük Beynəlxalq Kənd Təsərrüfatı və Heyvandarlıq Sərgisi

Türkiyənin ən böyük və Avropanın dörd ən böyük kənd təsərrüfatı sərgisi arasında yer alan Agroexpo Beynəlxalq Kənd Təsərrüfatı və Heyvandarlıq Sərgisi 2023-cü ildə 74 ölkədən 449 iştirakçı, 1059 brend və yüz minlərlə ziyarətçini bir araya gətirdi. Türkiyənin Ticarət Nazirliyi və Orion Fair şirkəti tərəfindən təşkil edilən B2B görüşlərində əldə edilmiş biznes razılaşmalarının həcmi 2,5 milyard dollar təşkil edib. Hazırda AgroExpo 30 yanvar - 3 fevral 2024-cü il tarixləri arasında Türkiyənin İzmir şəhərində 19-cu dəfə dünyanın və Türkiyənin kənd təsərrüfatı sektorlarını bir araya gətirməyə hazırlaşır. Sərgini Türkiyənin bütün bölgələrindən və dünyanın hər yerindən fermerlər, yerli və xarici mütəxəssislər və sektor nümayəndələri ziyarət edəcəklər. Fuar İzmir sərgi kompleksində təşkil olunacaq 19-cu AgroExpo sərgisinə əsasən kənd təsərrüfatının mexanizasiyası və texnologiyalar, istixana və texnologiyalar, su və suvarma texnologiyaları, gübrə, toxum, tinglik, bağçılıq, dərmanlama maşınları, ekoloji kənd təsərrüfatı, aqroinformatika, heyvandarlıq, heyvandarlıq texnikası, quşçuluq, və sektorla əlaqəli qurum və təşkilatlar qatılacaqlar. Sərgi haqqında ətraflı məlumat üçün www.agroexpo.com.tr saytını ziyarət edə bilərsiniz.

Tarix		Saat
19-10-2023		15:18

Xəbərlər

“YURT” Antalyada Growmach sərgisində iştirak edir

“YURT” Antalyada Growmach sərgisində iştirak edir

YURT MMC Türkiyənin Antalya şəhərində keçirilən Growmach Traktor, Kənd Təsərrüfatı Maşınları, Avadanlıqları və Texnologiyaları sərgisində iştirak edir. ANFAŞ Sərgi və Konqres Mərkəzində keçirilən sərgi Yaxın Şərq, Afrika, Balkanlar, Cənubi Amerika və Uzaq Şərq ölkələrindən sənaye mütəxəssislərini bir araya gətirib. “YURT”un stendində şirkətin fəaliyyəti, məqsədləri, xidmətləri və üstünlükləri barədə məlumatların yer aldığı tanıtım broşürləri, rollaplar təqdim olunub. Stenddə quraşdırılmış ekranda MMC-nin fəaliyyət istiqamətlərini əks etdirən videoçarxlar nümayiş etdirilib. Stendi ziyarət edən şirkət nümayəndələri və iş adamlarına “YURT” haqqında ətraflı məlumatlar verilib, əməkdaşlıq imkanları müzakirə olunub. Qeyd edək ki, “YURT” Growmach sərgisinin informasiya dəstəkçisidir. Sərgi oktyabrın 15-dək davam edəcək.

Tarix		Saat
11-10-2023		12:11

Xəbərlər

Özbəkistandan şaftalı və nektarin ixracı tarixi maksimuma çatıb

Özbəkistandan şaftalı və nektarin ixracı tarixi maksimuma çatıb

Cari mövsümdə Özbəkistandan şaftalı və nektarin ixracı tarixi maksimuma çatıb. Mayın 21-dən sentyabrın 20-dək ölkədən 80 min tondan çox şaftalı və nektarin ixrac olunub. Bu, üç il öncəki göstəricidən çoxdur. Şaftalı və nektarin ixracının ümumi dəyəri 62,7 milyon ABŞ dollarına bərabər olub.

Tarix		Saat
04-10-2023		12:22

Sərgilər

Tbilisidə beynəlxalq kənd təsərrüfatı sərgisi keçiriləcək

Tbilisidə beynəlxalq kənd təsərrüfatı sərgisi keçiriləcək

Tbilisidə “Agro, Food, Drink, Tech Expo 2023” beynəlxalq kənd təsərrüfatı sərgisi keçiriləcək. Tədbir noyabrın 17-dən 19-dək “Expo Georgia” sərgi mərkəzində təşkil olunacaq. Tbilisidə 21-ci dəfə keçiriləcək tədbirin məqsədi kənd təsərrüfatı sahəsinin inkişafı, yerli sahibkarların populyarlaşdırılması və Gürcüstanda texnoloji yeniliklərin tətbiqinə dəstək verməkdir. Yerli və xarici iştirakçılar öz məhsul və xidmətlərini müştərilərə və investorala təqdim etmək, potensial tərəfdaşlarla görüşmək imkanı əldə edəcəklər. Sərgi çərçivəsində müxtəlif mövzulara həsr olunan konfranslar və seminarlar da keçiriləcək.

Tarix		Saat
04-10-2023		11:39

Xəbərlər

Azərbaycanın pomidor ixracından gəliri kəskin azalıb

Azərbaycanın pomidor ixracından gəliri kəskin azalıb

Bu ilin yanvar-avqust aylarında Azərbaycan dəyəri 124,29 milyon ABŞ dolları olan 112,06 min ton pomidor ixrac olunub. Ölkənin Dövlət Gömrük Komitəsinin məlumatına əsasən, ötən ilin eyni dövrü ilə müqayisədə məhsulun dəyərində təqribən 10 milyon ABŞ dolları azalma qeydə alınıb. Gəlirin azalmasının əsas səbəbi Rusiyada pomidorun qiymətinin azalmasıdır. Məlum olduğu ki, Azərbaycandan pomidorun əsas idxalçısı Rusiyadır.

Tarix		Saat
04-10-2023		11:10

Xəbərlər

Özbəkistan Gürcüstana süfrə üzümünün tədarükü üzrə II yeri tutub

Özbəkistan Gürcüstana süfrə üzümünün tədarükü üzrə II yeri tutub

Özbəkistan Gürcüstana süfrə üzümünün tədarükü üzrə II yerdə qərarlaşıb. Gürcüstanın Milli Statistika Xidmətinin məlumatına əsasən, bu ilin 7 ayı ərzində Özbəkistandan ölkəyə 699,4 min ABŞ dolları dəyərində 453 ton süfrə üzümü ixrac olunub. Üzümün tədarükü üzrə birinci yeri 1 179 tonla Ermənistan, üçüncü yeri isə 280 tonla İran tutub. Yeddi ay ərzində Gürcüstan ümumilikdə 2,7 milyon ABŞ dolları dəyərində süfrə üzümü idxal edib.

Tarix		Saat
04-10-2023		10:40

Xəbərlər

Qazaxıstanda manqo və avokado yetişdiriləcək

Qazaxıstanda manqo və avokado yetişdiriləcək

Qazaxıstanın Türkistan vilayətinin Sayramsk rayonunda yerləşən istixana kompleksində manqo və avokadonun yetişdirilməsi planlaşdırılır. 5,3 hektar sahəsi olan kompleksi Türkiyənin “Gen group Qazaqstan” şirkəti inşa edib. İstixanada artıq Qazaxıstanın iqlim şəraitinə adaptasiya edilmiş banan yetişdirilir. İlk məhsul 6 aydan sonra yığılacaq. İstixanada gələcəkdə manqo, avokado kimi meyvələrin yetişdirilməsi nəzərdə tutulur. Ekzotik meyvələrlə yanaşı, istixanada pomidor və çiyələk də yetişdirilir. Layinənin ilkin mərhələdə dəyəri 4 milyon ABŞ dolları təşkil edir.

Tarix		Saat
04-10-2023		10:32

Xəbərlər

İtaliyadan növbəti zəfəran soğanaqları Özbəkistana göndəriləcək

İtaliyadan növbəti zəfəran soğanaqları Özbəkistana göndəriləcək

İyunun 9-da Özbəkistan Prezidenti Şavkat Mirziyoyev İtaliyaya rəsmi səfər çərçivəsində Milanda aparıcı şirkətlərin rəhbərləri ilə görüş keçirib. Görüşdə dövlət başçısına Cizak bölgəsinin Baxmal rayonunda zəfəranın yetişdirilməsi, emalı və ixracı, həmçinin zəfəranın Avropa bazarlarına tədarükü barədə təqdimat nümayiş etdirilib. Zəfəran plantasiyalarının genişləndirilməsi və becərilmə həcminin artırılması məqsədilə Milandan bitkinin soğanaqlarından ibarət növbəti yük maşınlarının sentyabr ayının ikinci ongünlüyündə Özbəkistana göndərilməsinə hazırlıq görülür.

Tarix		Saat
18-09-2023		11:02

Sərgilər

“AgroWorld Qazaqstan 2023” sərgisi

“AgroWorld Qazaqstan 2023” sərgisi

Bu ilin 1-3 noyabr tarixində Qazaxıstanın Almatı şəhərində “AgroWorld Qazaqstan 2023” beynəlxalq kənd təsərrüfatı sərgisi təşkil olunacaq. Sərgi kənd təssərrüfatı sahəsində ən son nailiyyətlərlə tanışlıq və təcrübə mübadiləsi üçün imkan yaradır. Tədbir barədə ətraflı məlumatla www.agroworld.kz saytında tanış olmaq mümkündür.

Tarix		Saat
13-09-2023		12:49

Sərgilər

Bursa Kənd Təsərrüfatı Sərgisi

Bursa Kənd Təsərrüfatı Sərgisi

Bu ilin 3-7 oktyabr tarixində Türkiyənin Bursa şəhərində “BurTarım 2023” kənd təsərrüfatı sərgisi keçiriləcək. Tədbirdə kənd təsərrüfatı avadanlıqları və texnologiyaları, istixana texnologiyaları, suvarma sistemləri, süd və süd məhsulları və digər bir sıra məhsul və xidmətlər sərgilənəcək. Sərgi haqqında ətraflı məlumatla www.burtarim.com saytında tanış olmaq mümkündür.

Tarix		Saat
13-09-2023		12:18

Xəbərlər

Azərbaycanda Üzüm və Şərab Festivalı keçiriləcək

Azərbaycanda Üzüm və Şərab Festivalı keçiriləcək

Sentyabrın 29-da Azərbaycan Dövlət Turizm Agentliyi və Şamaxı Rayon İcra Hakimiyyətinin təşkilatçılığı ilə Şamaxıda Üzüm və Şərab Festivalı keçiriləcək. Üç gün davam edəcək festivalın məqsədi yerli üzüm və şərab istehsalının təşviqi, şərab məhsullarının ixrac potensialının artırılması, Azərbaycanda üzümçülük və şərab istehsalı tarixinin və bu sahədə görülən işlərin geniş ictimaiyyətə çatdırmaqdır. Bu il keçiriləcək festivalda da üzüm istehsalı və şərabçılıq, ölkənin turizm potensialı ilə bağlı müxtəlif maarifləndirici və əyləncəli tədbirlər olacaq. Meysəri kəndindəki “Şirvan şərabları” MMC-nin üzümçülük və şərabçılıq kompleksinin ərazisi sərgi, əyləncə, uşaq, piknik, suvenir və digər zonalara bölünəcək, şərab və yemək pavilyonları quraşdırılacaq. Ziyarətçilər yerli və xarici istehsalçıların şərab məhsullarını dequstasiya etmək, bəyəndikləri məhsulları ən sərfəli - zavod qiymətinə əldə etmək, ustad dərslərində iştirak, şərab evlərinin maraqlı hekayələrini dinləmək imkanı qazanacaqlar. Festival şərab istehsalçılarına yeni işguzar əlaqələr qurmaq, məhsullarını geniş auditoriyaya tanıtmaq imkanı yaradacaq. Ziyarətçilər festival günlərində maraqlı şou proqramın da iştirakçısı olacaqlar. Tədbirdə iştirak iTicket.az saytı vasitəsi ilə mümkündür. Festival oktyabrın 1-də başa çatacaq.

Tarix		Saat
13-09-2023		11:29

Xəbərlər

Azərbaycan və İsrail kənd təsərrüfatı sahəsində yol xəritəsi imzalayıb

Azərbaycan və İsrail kənd təsərrüfatı sahəsində yol xəritəsi imzalayıb

Azərbaycan Kənd Təsərrüfatı Nazirliyi və İsrail dövlətinin Kənd Təsərrüfatı və Kənd Yerlərinin İnkişafı Nazirliyi arasında “Kənd təsərrüfatı sahəsində əməkdaşlıq üzrə Niyyət Bəyannaməsi”, eləcə də “2023-2025-ci illər üçün kənd təsərrüfatı sahəsində əməkdaşlığa dair Yol Xəritəsi” imzalanıb. Sənədlər Azərbaycanda səfərdə olan İsrailin kənd təsərrüfatı və kənd yerlərinin inkişafı naziri Avi Dixterin rəhbərlik etdiyi nümayəndə heyətinin Kənd Təsərrüfatı Nazirliyində keçirilən görüşündə imzalanıb. Bəyannamədə qeyd olunan sahələrdə əməkdaşlığın inkişaf etdirilməsi niyyəti öz əksini tapıb. Bu sahədə fəaliyyətlərin səmərəli şəkildə həyata keçirilməsini təmin etmək məqsədilə birgə işçi qrupunun yaradılması nəzərdə tutulur. Görüşdə Azərbaycan və İsrail arasında aqrar sahədə əməkdaşlıq, kənd təsərrüfatı sahəsində ticarət dövriyyəsinin artırılması, heyvandarlıq və toxumçuluq sahələrində ən müasir texnologiyaların transferi, aqrar tədqiqatlar və təcrübə proqramları sahələrində əməkdaşlığın genişləndirilməsi, suvarma sahəsində İsrail təcrübəsi məsələləri müzakirə olunub. Görüş zamanı qarşılıqlı maraq doğuran məsələlər barədə geniş fikir mübadiləsi aparılıb.

Tarix		Saat
13-09-2023		11:13

Xəbərlər

Qazaxıstan kənd təsərrüfatı məhsullarının ixracını artırıb

Qazaxıstan kənd təsərrüfatı məhsullarının ixracını artırıb

Bu ilin ilk 6 ayı ərzində Qazaxıstandan kənd təsərrüfatı məhsullarının ixracı illik müqayisədə 5% artaraq dəyəri 2,7 milyard ABŞ dolları təşkil edib. Bitkiçilik məhsullarının ixracı 4,7%, heyvandarlıq məhsullarının ixracı isə 18% artıb. Emal edilmiş məhsulların ixracında isə artım 5%-ə bərabər olub. Xarici bazarlara ən çox ixrac olunmuş məhsulların ilk beşliyinə buğda, un, günəbaxan yağı, kətan toxumları və arpa daxildir.

Tarix		Saat
13-09-2023		11:01

Xəbərlər

Özbəkistanda yeni pomidor sortu yaradılıb

Özbəkistanda yeni pomidor sortu yaradılıb

Özbəkistanda “Müstəqillik-28” adlı yeni yüksək məhsuldarlı pomidor sortu yaradılıb. Yeni sortun məhsuldarlığı ölkədə yetişdirilən digər sortlarla müqayisədə 4-5 dəfə yüksəkdir. “Müstəqillik-28” sortu şəkər tərkibi, daşınma və digər xüsusiyyətlərinə görə də fərqlənir. Məhsuldarlığı bir hektardan təxminən 180-200 ton təşkil edir. İlk yığımda məhsulun təqribən 90%-ni, ikinci yığımda isə yerdə qalan 10%-ni yığmaq mümkündür.

Tarix		Saat
13-09-2023		10:22

Xəbərlər

Gürcüstana buğda idxalı 40% artıb

Gürcüstana buğda idxalı 40% artıb

Gürcüstana buğda idxalı təqribən 40% artaraq bu ilin 7 ayı ərzində dəyəri 27 milyon ABŞ dolları təşkil edib. “Galt&Taggart” investisiya bankının hesabatına əsasən, ötən il eyni göstərici 19 milyon ABŞ dollarına bərabər olub. Hesabatda qeyd olunub ki, 2023-cü ilin avqustunda buğdanın qiyməti 2,2% artıb. “Buğda tədarükü ilə bağlı qeyri-müəyyənlik qalmaqdadır. Bu, Rusiya-Ukrayna münaqişəsi və taxıl sazişinin dayandırılması ilə bağlıdır”, - sənəddə deyilir.

Tarix		Saat
13-09-2023		09:38

Xəbərlər

Azərbaycan və Özbəkistan fındıq yetişdirməyi planlaşdırır

Azərbaycan və Özbəkistan fındıq yetişdirməyi planlaşdırır

Azərbaycanın “Agrarco” şirkəti və Özbəkistanın Kənd Təsərrüfatı Nazirliyi arasında fındıq yetişdirilməsi haqqında memorandum imzalanıb. Danışıqlar zamanı tərəflər Özbəkistanda fındıq yetişdirilməsi və emalı mövzusuna toxunublar. “Həmçinin fındıq yetişdirilməsi sahəsində təlim keçmək üçün ekspertlərin Azərbaycana göndərilməsi və təcrübə mübadiləsinin aparılması perspektivləri müzakirə olunub. Görüşün məqsədi fındığın yetişdirilməsi, emalı və bağçılığın inkişafı təcrübəsi ilə tanışlıqla bağlı olub”, – deyə Özbəkistanın Kənd Təsərrüfatı Nazirliyindən bildirilib. Bundan başqa, iki ölkə arasında kənd təsərrüfatı sahəsində əlaqələrin təşviqi və inkişafı məsələləri də müzakirə olunub.

Tarix		Saat
28-08-2023		12:26

Xəbərlər

Türkiyənin quru meyvə ixracının dəyəri milyard dolları ötüb

Türkiyənin quru meyvə ixracının dəyəri milyard dolları ötüb

2022-2023-il mövsümündə Türkiyədən quru meyvə ixracının dəyəri 1,103 milyard ABŞ dollarına çatıb. Bu barədə Egey bölgəsinin Quru meyvə İxracatçıları Birliyinin rəhbəri Mehmet Ali İşık bildirib. O qeyd edib ki, Türkiyə dünyada quru meyvə ixracında lider mövqe tutur. İllik müqayisədə ixrac 5% artıb. Türkiyədən qaysı qurusunun əsas idxalçısı ABŞ olub. Bu ölkəyə ixrac 26% artaraq 72 milyon dollara çatıb. İkinci yeri Fransa (40 milyon dollar), üçüncü yeri isə Almaniya tutur (33 milyon dollar). M.A.İşık vurğulayıb ki, Türkiyə orqanik quru meyvə ixracı üzrə dünyada lider olaraq qalır.

Tarix		Saat
28-08-2023		12:06

Xəbərlər

Qazaxıstanda banan yetişdirilməsinə başlanılıb

Qazaxıstanda banan yetişdirilməsinə başlanılıb

Qazaxıstanda ilk dəfə sənaye miqyasında banan yetişdirilməsinə başlanılıb. Ölkənin Kənd Təsərrüfatı Nazirliyindən bildirilib ki, banan istehsalı üzrə istixana kompleksi Türkistan bölgəsində açılıb. Türkiyənin “GenGroup Qazaqstan” şirkəti bölgədə banan ağacları olan 5,3 hektar sahədə istixana kompleksi inşa edib. Banan sortu xüsusi olaraq yetişdirilib və Qazaxıstanın iqlim şəraitinə adaptasiya edilib. Yaxın zamanlarda istixana 5 hektar genişləndiriləcək və bu da istehsalı ildə min tona qədər artırmağa imkan verəcək.

Tarix		Saat
28-08-2023		11:12

Xəbərlər

Gürcüstandan kənd təsərrüfatı məhsullarının ixracı artıb

Gürcüstandan kənd təsərrüfatı məhsullarının ixracı artıb

Bu ilin yeddi ayı ərzində Gürcüstandan ixrac olunan kənd təsərrüfatı məhsullarının dəyəri 787,5 milyon ABŞ dolları təşkil edib. Bu, ötən ilin eyni göstəricisindən 27,7% çoxdur. Kənd Təsərrüfatı Nazirliyinin məlumatına əsasən, Gürcüstandan Avropa İttifaqına 89 milyon ABŞ dolları dəyərində məhsul ixrac olunub ki, bu da 2022-ci ilin eyni göstəricisindən 2,2% çoxdur. Gürcüstanda içkilər, diri heyvan və digər məhsulların ixracında artım qeydə alınıb. Alkoqollu içkilər, şərab, alkoqolsuz qazlaşdırılmış içkilər, qaragilə və meyvə konservlərinin ixracında xüsusi artım olub.

Tarix		Saat
28-08-2023		10:51

Xəbərlər

“YURT” Türkiyənin Growmach sərgisinin informasiya dəstəkçisi olub

“YURT” Türkiyənin Growmach sərgisinin informasiya dəstəkçisi olub

YURT MMC Türkiyənin Growmach Traktor, Kənd Təsərrüfatı Maşınları, Avadanlıqları və Texnologiyaları Sərgisinin informasiya dəstəkçisi statusunu əldə edib. Tərəfdaşlıq haqqında razılaşmaya əsasən, “YURT” bu ilin oktyabrın 10-14-də Antalya şəhərində keçiriləcək sərgiyə fəal informasiya dəstəyi göstərir. “YURT” informasiya dəstəkçisi olmaqla yanaşı, “Growmach” sərgisinə iştirakçı qismində də qatılacaq. Qeyd edək ki, “Growmach” Yaxın Şərq, Afrika, Balkanlar, Avropa, Şimali və Cənubi Amerika, Rusiya və MDB ölkələrindən olan sənaye mütəxəssislərini ən son texnologiyalar və yeni məhsullarla bir araya gətirəcək. Tədbir Antalya Anfaş Sərgi Mərkəzində təşkil olunacaq.

Tarix		Saat
10-08-2023		10:05

Xəbərlər

Özbəkistan 3 milyon dollar dəyərində limon ixrac edib

Özbəkistan 3 milyon dollar dəyərində limon ixrac edib

Bu ilin yanvar-iyun aylarında Özbəkistandan 7 ölkəyə 3,5 min ton limon ixracı həyata keçirilib. Məhsulun ümumi dəyəri 2,9 milyon ABŞ dollarına bərabər olub. 2022-ci ilin eyni dövrü ilə müqayisədə limonun ixrac həcmi 968 ton artıb. Hesabat dövründə Özbəkistandan ən çox liman tədarük edən ölkə Rusiya (2,7 min ton) olub. Qırğızıstan (388 ton) və Qazaxıstan da (357 ton) əsas idxalçıların ilk üçlüyünə daxildir.

Tarix		Saat
09-08-2023		15:08

Xəbərlər

Qazaxıstanda yağlı bitkilərin əkin sahələri 20% azalıb

Qazaxıstanda yağlı bitkilərin əkin sahələri 20% azalıb

Qazaxıstanda cari ildə yağlı bitkilərin toxumları 2,8 milyon hektarda əkilib. Ötən illə müqayisədə azalma təxminən 20% və yaxud 0,7 milyon hektar təşkil edib. Bu, son 5 ildə ən aşağı göstəricidir. Qeyd edək ki, neqativ dinamika 8 ildə ilk dəfədir müşahidə olunur. 2016-cı ildən 2022-ci ilədək yağlı birkilərin əkin sahələri sabit olaraq nəzərəçarpacaq templərlə artırdı. Orta hesabla illik artım 8,3% təşkil edirdi.

Tarix		Saat
09-08-2023		14:35

Xəbərlər

Gürcüstanın diri toyuq ixracı və idxalı artıb

Gürcüstanın diri toyuq ixracı və idxalı artıb

Gürcüstanın diri toyuq ixracı və idxalında artım qeydə alınıb. Ölkənin Milli Statistika İdarəsindən bildirilib ki, bu ilin yanvar-iyun aylarında Gürcüstandan 3,725 milyon ABŞ dolları dəyərində diri toyuq ixrac edilib. Ötən ilin eyni dövründə göstərici 2,829 milyon ABŞ dolları idi. İdxala gəlincə, Gürcüstan cari ilin ilk 6 ayında 2,661 milyon ABŞ dolları dəyərində diri toyuq tədarük edib. 2022-ci ilin analoji dövründə göstərici 2,014 milyon ABŞ dolları təşkil edib. Diri toyuqların idxal olunduğu ölkələr: Türkiyə - 1,557 milyon ABŞ dolları Macarıstan - 660 min ABŞ dolları Hollandiya - 307,6 min ABŞ dolları Belçika - 130,7 min ABŞ dolları Çexiya - 5,8 min ABŞ dolları Diri toyuqların ixrac olunduğu ölkələr: Azərbaycan - 2 650 milyon ABŞ dolları Ermənistan - 1,075 milyon dollar [BPN]

Tarix		Saat
09-08-2023		14:05

Xəbərlər

Growmach kənd təsərrüfatı texnikasının son yeniliklərinə ev sahibliyi edəcək

Growmach kənd təsərrüfatı texnikasının son yeniliklərinə ev sahibliyi edəcək

Informa tərəfindən bu ilin 10-14 oktyabr tarixində ilk dəfə həyata keçiriləcək Growmach Traktor, Kənd Təsərrüfatı Maşınları, Avadanlıqları və Texnologiyaları Sərgisi sektorda yerli və xarici güclü markaları bir araya gətirməyə hazırlaşır. Antalya Anfaş Sərgi Mərkəzində düzənlənəcək önəmli tədbir üçün hazırlıqların aparıldığını qeyd edən Sərgi direktoru Engin Er bildirib ki, beynəlxalq kənd təsərrüfatı texnikası mütəxəssisləri “Growmach”da kənd təsərrüfatında ən son texnologiyalar və kənd təsərrüfatında avtomatlaşdırma sahəsində yeni məhsullarla tanış olmaq imkanı əldə edəcəklər. Qeyd edək ki, “Yurt” sərginin informasiya dəstəkçisi statusunu əldə edib. Ətraflı bu linkdə.

Tarix		Saat
08-08-2023		09:31

Xəbərlər

“YURT” Səudiyyə Ərəbistanının aparıcı sərgi təşkilatçısı ilə tərəfdaş olub

“YURT” Səudiyyə Ərəbistanının aparıcı sərgi təşkilatçısı ilə tərəfdaş olub

YURT MMC Səudiyyə Ərəbistanının aparıcı sərgi təşkilatçısı olan Riyadh Exhibitions Company Ltd. (REC) şirkəti ilə tərəfdaş olub. Tərəfdaşlıq haqqında razılaşma çərçivəsində “YURT” şirkətin təşkil etdiyi 40-cı “Saudi Agriculture” Beynəlxalq Ticarət Sərgisinin media tərəfdaşı statusunu əldə edib. Qarşılıqlı razılaşmaya əsasən, şirkətlər bir-birinə fəal informasiya dəstəyi göstərəcəklər. “Saudi Agriculture” Beynəlxalq Ticarət Sərgisi haqqında məlumat və reklam bannerləri www.yurt.farm saytının səhifələrində yerləşdirilib, “YURT”un banneri isə REC şirkətinin saytında yer alıb. Qeyd edək ki, REC Səudiyyə Ərəbistanının qabaqcıl və aparıcı ticarət tədbirlərinin və sərgilərinin təşkilatçısıdır. Son 40 il ərzində regionun ən böyük bazarının mərkəzində uğurlu beynəlxalq B2B tədbirlər həyata keçirir. “YURT”un informasiya dəstəyi verdiyi “Saudi Agriculture” Beynəlxalq Ticarət Sərgisi bu ilin 23-26 oktyabr tarixində Ər-Riyad şəhərində keçiriləcək.

Tarix		Saat
03-08-2023		17:36

Xəbərlər

Özbəkistan yemiş ixracından 16,7 mln dollar qazanıb

Özbəkistan yemiş ixracından 16,7 mln dollar qazanıb

Bu ilin ilk altı ayında Özbəkistandan ümumi dəyəri 16,7 milyon ABŞ dolları olan 80 min ton yemiş ixrac edilib. İllik müqayisədə ixracın həcmi 16,8 min ton artıb. Özbək yemişinin əsas idxalçıları Qazaxıstan (35,7 min ton), Rusiya (29,3 min ton) və Qırğızıstan (12,6 min ton) olub.

Tarix		Saat
02-08-2023		11:04

Sərgilər

“Saudi Agriculture” Beynəlxalq Ticarət Sərgisi

“Saudi Agriculture” Beynəlxalq Ticarət Sərgisi

Builki sayca 40-cı “Saudi Agriculture” Beynəlxalq Ticarət Sərgisi 23-26 oktyabr tarixində Riyad Beynəlxalq Konqres və Sərgi Mərkəzində keçiriləcək. Beynəlxalq tədbir iş adamlarını, sənaye mütəxəssislərini, qərar qəbul edənləri və satıcıları Yaxın Şərqin ən böyük bazarının mərkəzində yerləşən aparıcı kənd təsərrüfatı tədbirində öz bizneslərini inkişaf etdirmək üçün bir araya gətirəcək. Kənd təsərrüfatı, qida, balıqçılıq, qablaşdırma və aqrar-sənaye üzrə beynəlxalq sərgi regionda kənd təsərrüfatı sektorunun qabaqcıl texnologiyalar və həllər, qabaqcıl mühəndislik və innovasiyaları nümayiş etdirən ən böyük B2B tədbiridir. Daha ətraflı məlumata burada tanış olmaq mümkündür.

Tarix		Saat
01-08-2023		12:43

Xəbərlər

Qazaxıstanda kətan toxumunun qiyməti artır

Qazaxıstanda kətan toxumunun qiyməti artır

Qazaxısanda kətan toxumunun qiymətində artım müşahidə olunur. Bu tendensiyanı mövsüm zamanı ehtiyatların azalması fonunda toxumlarla bağlı təkliflərin sayının azalması şərtləndirib. Bazar iştirakçıları bildirirlər ki, buna səbəb həm də Çinin Qazaxıstandan kətan toxumlarını fəal şəkildə idxal etməsidir.

Tarix		Saat
31-07-2023		13:08

1
2
3