Axtar

Seçilmişlər

Elan yerləşdir

Yeniliklər

Xəbərlər

Türkiyənin hamsi balığı ixracı 5,8 mln dolları ötüb

Türkiyənin hamsi balığı ixracı 5,8 mln dolları ötüb

Bu ilin yanvar-iyun aylarında Türkiyədən hamsi balığının ixrac həcmi illik müqayisədə 7% artaraq 5 823 665 ABŞ dollarına çatıb. İxrac 23 ölkəyə həyata keçirilib. Hamsi balığının əsas idxalçıları Fransa, Belçika və ABŞ olub. Məhsul ötən ilin eyni dövründən fərqli olaraq İsveç, Özbəkistan, İraq, Livan, Malayziya və Somaliyə də ixrac olunub. [Anadolu]

Tarix		Saat
26-07-2023		12:47

Xəbərlər

Özbəkistanda nektarinin yeni sortları yetişdirilib

Özbəkistanda nektarinin yeni sortları yetişdirilib

Özbəkistanın Kənd Təsərrüfatı Nazirliyinin Bağçılıq, Üzümçülük və Şərabçılıq Elmi-Tədqiqat İnstitutunun seleksiyaçı alimləri nektarinin yeni sortlarını təqdim ediblər. “Xosiyat” və “İfora” adlı sortlar Fərqanədə yerləşən elmti-təcrübə stansiyasında yetişdirilib. Yeni sortların meyvələri kifayət qədər iridir, orta çəkiləri təqribən 200 qram təşkil edir. Tezliklə yeni nektarin sortlarının yetişdirilməsi üçün plantasiyalar salınacaq.

Tarix		Saat
26-07-2023		11:50

Xəbərlər

Gürcüstanın şaftalı ixracı artıb

Gürcüstanın şaftalı ixracı artıb

Bu ilin mayın 1-dən etibarən Gürcüstandan 10,3 min ton şaftalı ixrac olunub. Ölkənin Kənd Təsərrüfatı Nazirliyindən bildirilib ki, ixracdan gəlir 11,1 milyon ABŞ dolları təşkil edib. İllik müqayisədə ixracın həcmi 4%, dəyəri isə 1% artıb. Şaftalı ən çox Rusiya (9 266 ton), Ermənistan (970 ton), Belarus (20 ton) və Ukraynaya (18 ton) ixrac edilib.

Tarix		Saat
24-07-2023		12:56

Xəbərlər

“YURT”un Özbəkistanda ilk tərəfdaşı – “International Expo Group”

“YURT”un Özbəkistanda ilk tərəfdaşı – “International Expo Group”

YURT MMC Özbəkistanın “International Expo Group” (IEG) sərgi şirkəti ilə tərəfdaşlıq əlaqələri qurub. “YURT” şirkətin təşkil etdiyi XVIII Beynəlxalq “UzAgroExpo” beynəlxalq sərgisinin informasiya dəstəkçisi statusunu əldə edib. Beləliklə, IEG “YURT”un Özbəkistanda ilk tərəfdaşı olub. Qarşılıqlı razılaşmaya əsasən, “UzAgroExpo” sərgisi haqqında məlumat və reklam bannerləri www.yurt.farm saytının səhifələrində yerləşdirilib, “YURT”un banneri isə sərginin www.ieg.uz/uzagroexpo rəsmi səhifəsində “İnformasiya dəstəkçiləri” bölməsində yer alıb. Qeyd edək ki, IEG Özbəkistanda beynəlxalq sərgilərin ən böyük təşkilatçılarından biridir. Şirkət 2004-cü ildən fəaliyyət göstərir. Bu gün IEG 11 beynəlxalq layihənin təşkilatçısı kimi çıxış edir. “YURT”un informasiya dəstəyi verdiyi “UzAgroExpo” sərgisi bu ilin noyabrın 22-24-də Daşkənd şəhərində keçiriləcək.

Tarix		Saat
24-07-2023		10:48

Xəbərlər

Azərbaycan meyvə-tərəvəz ixracından 350 mln dollardan çox gəlir əldə edib

Azərbaycan meyvə-tərəvəz ixracından 350 mln dollardan çox gəlir əldə edib

2023-cü ilin yanvar-iyun ayları ərzində Azərbaycan 350 milyon 428 min dollar dəyərində 348 min 774 ton meyvə-tərəvəz ixrac edib. Ötən ilin müvafiq dövrü ilə müqayisədə ölkədən ixrac edilən meyvə-tərəvəzin dəyəri 6.8% və ya 22 mln. 319 min dollar, həcmi isə 13.8% və ya 42 min 398 ton artıb. 2022-ci ilin ilk 6 ayında Azərbaycandan 328 mln. 109 min dollar dəyərində 306 min 376 ton meyvə-tərəvəz ixrac edilib. Qeyd edək ki, cari ilin yanvar-iyun aylarında meyvə-tərəvəzin ümumi ixracda xüsusi çəkisi 1.78%-ə, qeyri-neft məhsullarının ixracında olan çəkisi isə 22.51%-ə bərabər olub. [APA-Economics]

Tarix		Saat
20-07-2023		15:47

Xəbərlər

Rusiya Türkiyədən pomidor idxalı kvotasını artırıb

Rusiya Türkiyədən pomidor idxalı kvotasını artırıb

Rusiya Türkiyədən pomidor idxalına olan illik kvotanı 350 min tondan 500 min tonadək artırıb. Bu barədə qərarı ölkənin Kənd Təsərrüfatı Nazirliyi qəbul edib. Qeyd edək ki, 350 min tonluq kvota 2022-ci ilin aprelindən qüvvədə idi.

Tarix		Saat
20-07-2023		14:41

Xəbərlər

Özbəkistanda ilk dəfə 8 mln ton taxıl yetişdirilib

Özbəkistanda ilk dəfə 8 mln ton taxıl yetişdirilib

Özbəkistan taxılçıları ilk dəfə olaraq 8,1 milyon tondan çox taxıl istehsal ediblər. Ölkənin Kənd Təsərrüfatı Nazirliyindən bildirilib ki, suvarılan sahələrdə orta məhsuldarlıq hektardan 70,5 sentneri ötüb. Özbəkistan üzrə orta məhsuldarlıq 71-73 sentner təşkil edib.

Tarix		Saat
20-07-2023		13:25

Xəbərlər

Qazaxıstan Fransadan damazlıq qoyun idxal edəcək

Qazaxıstan Fransadan damazlıq qoyun idxal edəcək

Qazaxıstan Fransadan damazlıq qoyun idxal etməyi planlaşdırır. Bununla bağlı Fransa ilə xırda buynuzlu damazlıq heyvanların idxalı üçün baytarlıq sertifikatlarının razılaşdırılması ilə bağlı danışıqlar aparılır. Qazaxıstanın Baytarlıq Nəzarəti Komitəsindən bildirilib ki, Fransadan damazlıq qoyunların tədarük olunmasında hər iki tərəfin biznes dairələri maraqlıdırlar.

Tarix		Saat
20-07-2023		13:19

Sərgilər

“UzAgroExpo – 2023” sərgisi

“UzAgroExpo – 2023” sərgisi

XVIII Beynəlxalq “UzAgroExpo” sərgisi bu ilin noyabrın 22-24-də Daşkənd şəhərində keçiriləcək. “UzAgroExpo” sərgisinin iştirakçıları bitkiçilik, heyvandarlıq, baytarlıq, kənd təsərrüfatı məhsullarının emalı, daşınması və saxlanması üçün müasir kənd təsərrüfatı texnikası və ehtiyat hissələrinin, avadanlıq, texnologiya və materialların istehsalı və satışı üzrə ixtisaslaşmış müəssisə və təşkilatlardır. 2022-ci ildə sərgidə 21 ölkədən 175-dən çox şirkət iştirak edib. Ətraflı məlumatla burada tanış olmaq mümkündür.

Tarix		Saat
19-07-2023		13:26

Xəbərlər

Özbəkistan gilas ixracından 38,9 mln ABŞ dolları qazanıb

Özbəkistan gilas ixracından 38,9 mln ABŞ dolları qazanıb

Bu ilin yanvar-may aylarında Özbəkistandan ümumilikdə 32 800 ton gilas ixrac olunub. Giləmeyvə dünyanın 15 ölkəsinə çatdırılıb. Ölkənin Statistika Agentliyinin hesablamalarına əsasən, gilas ixracından gəlir 38,9 milyon ABŞ dolları təşkil edib. İllik müqayisədə gilas ixracının həcmi 14 400 ton artıb.

Tarix		Saat
18-07-2023		14:43

Xəbərlər

Gürcüstana avokado idxalı rekord səviyyədə artır

Gürcüstana avokado idxalı rekord səviyyədə artır

Bu ilin ilk 5 ayında Gürcüstana 1 238 270 ABŞ dolları dəyərində 670 ton avokado idxal olunub. İllik müqayisədə göstərici iki dəfə və yaxud 118% artıb. 2022-ci ilin yanvar-may aylarında ölkəyə 567 min ABŞ dolları dəyərində avokado daxil olub. Hesabat dövründə Gürcüstana avokadonun idxal edildiyi ölkələr: Niderland – 1 097 930 ABŞ dolları Türkiyə - 122 340 ABŞ dolları Keniya – 18 min ABŞ dolları [BPN]

Tarix		Saat
17-07-2023		13:56

Xəbərlər

Türkiyədən meyvə-tərəvəz ixracı 17% artıb

Türkiyədən meyvə-tərəvəz ixracı 17% artıb

2023-cü ilin I yarısında Türkiyədən təzə meyvə və tərəvəz ixracı illik müqayisədə 17% artıb. Bu barədə Təzə Meyvə və Tərəvəz Assosiasiyasının rəhbəri Ferhat Gürüz “Anadolu” agentliyinə məlumat verib. Onun sözlərinə görə, altı ay ərzində Türkiyədən dünya bazarlarına 2 milyon 277 min ton meyvə-tərəvəz daxil olub. İxracın əsas hissəsini pomidor, mandarin və bibər təşkil edib. Türkiyədən əsas meyvə-təvəz idxalçıları Rusiya, Rumıniya və Almaniya olub.

Tarix		Saat
17-07-2023		13:25

Xəbərlər

Gürcüstanda buğda idxalına qadağa qoyulub

Gürcüstanda buğda idxalına qadağa qoyulub

Gürcüstanda üyüdülmüş buğda idxalına qadağa tətbiq olunub. Bu barədə qərarı hökumətin İqtisadi şurası qəbul edib. Səbəb güclü yağışlara görə buğdanın keyfiyyət standartlarına cavab verməməsidir. Qərar bu ilin noyabrın 1-dək qüvvədə olacaq.

Tarix		Saat
14-07-2023		10:54

Sərgilər

“AgriTek Özbəkistan 2023” sərgisi

“AgriTek Özbəkistan 2023” sərgisi

“AgriTek” sərgisi bu ilin 10-12 oktyabr tarixində Özbəkistanın paytaxtı Daşkənd şəhərində keçiriləcək. Sərgidə Özbəkistan və digər ölkələri təmsil edən kənd təsərrüfatı texnikası, istixana avadanlıqları, heyvandarlıq, quşçuluq və digər sahələr üzrə ixtisaslaşmış şirkətlər iştirak edəcəklər. Ətraflı məlumatla burada tanış olmaq mümkündür.

Tarix		Saat
13-07-2023		13:47

Xəbərlər

“YURT”un Gürcüstanda ilk təqdimatı olub

“YURT”un Gürcüstanda ilk təqdimatı olub

“YURT” onlayn kənd təsərrüfatı platformasının Gürcüstanda ilk təqdimatı Marneulidə keçirilib. Görüşdə Marneulidə fəaliyyət göstərən 20-yə yaxın fermer təsərrüfatı sahibləri və şirkət rəhbərləri iştirak ediblər. İştirakçılara onlayn platformanın üstünlükləri, təklif olunan xidmətlər, www.yurt.farm saytında elan yerləşdirilməsi qaydaları barədə ətraflı məlumat verilib. Təqdimat zamanı iştirakçıları maraqlandıran suallar cavablandırılıb. Görüşdə layihə ətrafında fikirlər paylaşılıb, səsləndirilən təkliflər toplanılıb. Təqdimat “Borçalı” İş Adamları Birliyinin dəstəyi ilə baş tutub. Qeyd edək ki, analoji görüşlər Gürcüstanın digər bölgələrində də planlaşdırılır.

Tarix		Saat
11-07-2023		14:48

Xəbərlər

Gürcüstandan mavigilə ixracı 4 dəfə artıb

Gürcüstandan mavigilə ixracı 4 dəfə artıb

Mayın 1-dən iyulun 5-dək olan dövrdə Gürcüstan 2 346 ton mavigilə ixrac edib. Gürcüstanın Kənd Təsərrüfatı Nazirliyindən bildirilib ki, illik müqayisədə ixracın həcmi 4 dəfə artıb. İxracın dəyəri təxminən 10,7 milyon ABŞ dolları artaraq 14,4 milyon ABŞ dollarına bərabər olub. Hesabat dövründə ən çox mavigilə Rusiyaya (2,2 min ton) ixrac edilib.

Tarix		Saat
10-07-2023		14:50

Xəbərlər

Gürcüstan şaftalı ixracından 4 mln. ABŞ dolları qazanıb

Gürcüstan şaftalı ixracından 4 mln. ABŞ dolları qazanıb

Bu ilin mayın 1-dən etibarən Gürcüstan 3,6 min ton şaftalı ixrac edib. Gürcüstanın Kənd Təsərrüfatı Nazirliyindən bildirilib ki, ixracdan 3,9 milyon ABŞ dolları həcmində gəlir əldə olunub. İllik müqayisədə ixracın həcmi 16% artıb. Bununla yanaşı, ixracın dəyərində 460 min ABŞ dollarlıq artım qeydə alınıb. Şaftalı əsasən Rusiya (3 136 ton), Ermənistan (480 ton), Belarusa (20 ton) ixrac olunub.

Tarix		Saat
10-07-2023		14:24

Xəbərlər

Özbəkistan qarpız ixracına görə rekord vurub

Özbəkistan qarpız ixracına görə rekord vurub

May ayının ortalarından başlayaraq Özbəkistan 63,4 min ton qarpız ixrac edib. Bu göstərici ötən ilin analoji dövrü ilə müqayisədə 3,1 dəfə çoxdur. 2018-2020-ci illərin həmin dövründə qarpız ixracı 3 min tona çatmırdı. Beləliklə, mövsüm başlayandan ay yarım ərzində ixrac 2018-2020-ci il göstəricilərini 20 dəfədən çox üstələyir. Ümumi ixracın təqribən 99%-i Avrasiya İqtisadi Şurası ölkələrinin bazarlarına yönəlib. [EastFruit]

Tarix		Saat
10-07-2023		12:19

Xəbərlər

Gürcüstan fındıq istehsalı üzrə dünyada VI yeri tutur

Gürcüstan fındıq istehsalı üzrə dünyada VI yeri tutur

2022-2023-cü illərdə Gürcüstan dünyada fındıq istehsalçıları arasında VI yeri tutub. Bu barədə Beynəlxalq Qoz və Quru Meyvə Şurasının məlumatında bildirilib. Qeyd olunan dövrdə Gürcüstan 14 800 ton təmizlənmiş fındıq istehsal edib. Ölkənin dünya istehsalında payı 3% təşkil edir. Qonşu ölkələrə gəlincə, Azərbaycan IV yerdədir (24 min ton, 4%). Türkiyə dünya liderliyini qoruyub saxlayır. Ölkə 415 300 ton fındıq istehsal edib, dünya üzrə istehsalda payı 71% təşkil edir. [commersant.ge]

Tarix		Saat
10-07-2023		11:09

Sərgilər

Latviyada “Riga Food” qida sərgisi

Latviyada “Riga Food” qida sərgisi

Bu ilin 7-9 sentyabr tarixində Latviyanın paytaxtı Riqa şəhərində “Riga Food” beynəlxalq qida sərgisi keçiriləcək. Sərgidə 25-ə yaxın ölkədən 400-dən çox şirkət iştrak edəcək, 12-yə yaxın milli pavilyon təqdim olunacaq. Sərgi haqqında ətraflı məlumat və iştirak qaydaları ilə bu linkdə tanış olmaq mümkündür.

Tarix		Saat
28-06-2023		19:13

Sərgilər

Samsun Kənd Təsərrüfatı Sərgisi

Samsun Kənd Təsərrüfatı Sərgisi

Bu ilin 18-22 oktyabr tarixində Türkiyənin Samsun şəhərində kənd təsərrüfatı sərgisi keçiriləcək. Sərgidə kənd təsərrüfatı sahəsinə aid müxtəlif məhsul və xidmətlər təqdim olunacaq. Sərgi haqqında ətraflı məlumatla www.tarimfuarisamsun.com saytında tanış ola bilərsiniz.

Tarix		Saat
21-06-2023		10:19

Xəbərlər

Qazaxıstanda damazlıq heyvanların ixracına qadağa qoyulur

Qazaxıstanda damazlıq heyvanların ixracına qadağa qoyulur

Qazaxıstanda damazlıq xırda və iribuynuzlu heyvanların ixracına qadağa tətbiq olunacaq. Müvafiq qərar ölkədə heyvandarlıq sahəsinin inkişafı üçün qəbul edilib. Qərar bu ilin iyunun 30-da qüvvəyə minəcək və altı ay müddətində davam edəcək.

Tarix		Saat
20-06-2023		18:06

Xəbərlər

Türkiyədə kartof istehsalında kəskin artım gözlənilir

Türkiyədə kartof istehsalında kəskin artım gözlənilir

Bu il Türkiyədə kartof istehsalında kəskin artımın olacağı gözlənilir. 2023-cü ilin ilk dörd ayında Türkiyə 28,5 min ton toxumluq kartof idxal edib və bu da yeni rekorddur. Bu göstərici, həmçinin 2022-ci ilin eyni dövrü ilə müqayisədə 91% çoxdur. Toxumluq kartofun böyük hissəsi – 79%-i Niderlanddan tədarük olunub. Kartof istehsalının kəskin artımı həm region, həm də ölkə daxilində bu məhsula olan yüksək qiymətlərə reaksiya kimi qiymətləndirilir.

Tarix		Saat
20-06-2023		12:07

Xəbərlər

Özbəkistanda aqrar sektora dövlət dəstəyi artırılır

Özbəkistanda aqrar sektora dövlət dəstəyi artırılır

Özbəkistanda aqror sektorun dövlət tərəfindən dəstəklənməsi gücləndirilir. Bununla bağlı ölkə prezidenti sərəncam imzalayıb. Sənədə əsasən, Özbəkistanın İqtisadiyyat və Maliyyə Nazirliyinə Kənd Təsərrüfatına Dövlət Dəstəyi Fondu üçün Yenidənqurma və İnkişaf Fondunun hesabına 12 aylıq müddətə faizsiz 250 milyon ABŞ dolları ayırmaq tapşırılıb. Vəsait aqrar sektora dövlət dəstəyi ilə bağlı xərclərin maliyyələşdirilməsinə yönəldiləcək.

Tarix		Saat
20-06-2023		12:03

Sərgilər

Türkiyədə “Kartof günləri” festivalı

Türkiyədə “Kartof günləri” festivalı

“Kartof Günləri Türkiyə”, Türkiyə və Orta Şərqdə kartof istehsalı üçün ixtisaslaşmış bir sərgidir. Builki festival 23-25 avqust tarixində Nevşehirdə keçiriləcək. Sərgi haqqında ətraflı məlumatla www.potatodaysturkiye.com saytında tanış ola bilərsiniz.

Tarix		Saat
20-06-2023		10:15

Xəbərlər

Gürcüstanda aqroturizm sahəsində vergi güzəştləri tətbiq olunacaq

Gürcüstanda aqroturizm sahəsində vergi güzəştləri tətbiq olunacaq

Gürcüsranda aqroturizm və şərabçılıq turizmi statusuna malik olanlar üçün vergi güzəştlərinin tətbiqi planlaşdırılır. Vergi Məcəlləsinə müvafiq dəyişikliklər ediləcək. Layihəyə əsasən, güzəştlər yalnız illik gəliri 500 min laridən çox olmayan şəxslərə şamil olunacaq. Sənəddə qeyd olunub ki, aqroturizm və şərabçılıq turizmi subyektlərinin fəaliyyəti çərçivəsində əldə olunan və şəxsə əməkhaqqı kimi ödənilən gəlirlər müvafiq statusun əldə olunmasından sonra 10 təqvim ili müddətinə vergidən azad olunacaq. Dəyişikliklərin 2025-ci ilin iyulun 1-dən etibarən qüvvəyə minəcəyi gözlənilir.

Tarix		Saat
19-06-2023		18:48

Sərgilər

Çorlu Kənd Təsərrüfatı Sərgisi

Çorlu Kənd Təsərrüfatı Sərgisi

Bu ilin 31 iyul – 5 avqust tarixində Türkiyənin Təkirdağ şəhərində Çorlu Kənd Təsərrüfatı Sərgisi təşkil olunacaq. Sərgi haqqında ətraflı məlumatla www.expointurkey.org saytında tanış olmaq mümkündür.

Tarix		Saat
19-06-2023		15:18

Sərgilər

İstanbulda Quşçuluq Texnologiyaları Sərgisi

İstanbulda Quşçuluq Texnologiyaları Sərgisi

Bu ilin 6-8 iyul tarixində Türkiyənin İstanbul şəhərində Quşçuluq Texnologiyaları Beynəlxalq Ticarət Sərgisi keçiriləcək. Sərgidə müxtəlif quşçuluq məhsullarının istehsalı üçün avadanlıqlar nümayiş etdiriləcək. Sərgi və tədbirdə iştirak qaydaları haqqında ətraflı məlumatı www.vivturkey.com saytında əldə etmək mümkündür.

Tarix		Saat
19-06-2023		14:45

Sərgilər

Astanada “KazAgro/KazFarm” sərgisi

Astanada “KazAgro/KazFarm” sərgisi

Bu ilin 10-12 oktyabr tarixində Qazaxıstanın paytaxtı Astana şəhərində “KazAgro/KazFarm” sərgisi keçiriləcək. Sərgidə kənd təsərrüfatı texnikası, avadanlıqları, ehtiyat hissələri və s. təqdim olunacaq. Sərgi haqqında ətraflı məlumatla https://kazagroexpo.kz/en/ saytında tanış olmaq mümkündür.

Tarix		Saat
15-06-2023		10:48

Sərgilər

İsraildə “AgroMashov” beynəlxalq sərgisi

İsraildə “AgroMashov” beynəlxalq sərgisi

Bu ilin 5-6 sentyabr tarixində İsrailin Tel- Əviv şəhərində “AgroMashov” sərgisi keçiriləcək. “AgroMashov” fermerlər və meyvə-tərəvəz, gül ticarəti ilə məşğul olanlar üçün məhsul və xidmətlərini təqdim etmək üçün əla fürsətdir. Sərgidə, həmçinin fermerlərin məhsuldarlığı və kommersiya gəlirlərini artırmağa imkan verən qabaqcıl texnologiyalar və ən müasir tədqiqatlar da nümayiş etdiriləcək. Sərgi haqqında ətraflı məlumatla https://www.agromashovgroup.com/en saytında tanış olmaq mümkündür.

Tarix		Saat
14-06-2023		10:59

1
2
3