Bu ilin ilk dörd ayında Özbəkistandan 514,8 min ton meyvə və tərəvəz ixrac olunub. İxracın ümumi dəyəri 298,5 milyon dollar təşkil edib.

Ölkənin Statistika Agentliyinin məlumatına görə, bu göstərici ötən ilin eyni dövrü ilə müqayisədə 43,3% çoxdur. Meyvə və tərəvəz ixracının hesabat dövründə ümumi ixracdakı payı 3,5%-ə bərabər olub.

Özbəkistan meyvə-tərəvəzinin əsas idxal bazarları Rusiya (26,3%), Pakistan (24,2%), Qazaxıstan (13%) və Çindir (9,3%).