2024 წლის პირველ ოთხ თვეში უზბეკეთმა 514,8 ათასი ტონა ხილისა და ბოსტნეულის ექსპორტი განახორციელა. მთლიანი ექსპორტის ღირებულებამ შეადგინა 298,5 მლნ აშშ დოლარი.

სტატისტიკის სააგენტოს მონაცემებით, ეს მაჩვენებელი 2023 წლის ანალოგიურ პერიოდთან შედარებით 43,3%-ით გაიზარდა. აღნიშნულ პერიოდში ხილ-ბოსტნეულის ექსპორტის წილმა რესპუბლიკის მთლიანი ექსპორტის 3,5% შეადგინა.

უზბეკური ხილისა და ბოსტნეულის ძირითადი ბაზრებია რუსეთი (26.3%), პაკისტანი (24.2%), ყაზახეთი (13%) და ჩინეთი (9.3%).