2022-2023-il mövsümündə Türkiyədən quru meyvə ixracının dəyəri 1,103 milyard ABŞ dollarına çatıb. Bu barədə Egey bölgəsinin Quru meyvə İxracatçıları Birliyinin rəhbəri Mehmet Ali İşık bildirib.

O qeyd edib ki, Türkiyə dünyada quru meyvə ixracında lider mövqe tutur.

İllik müqayisədə ixrac 5% artıb. Türkiyədən qaysı qurusunun əsas idxalçısı ABŞ olub. Bu ölkəyə ixrac 26% artaraq 72 milyon dollara çatıb. İkinci yeri Fransa (40 milyon dollar), üçüncü yeri isə Almaniya tutur (33 milyon dollar).

M.A.İşık vurğulayıb ki, Türkiyə orqanik quru meyvə ixracı üzrə dünyada lider olaraq qalır.