2022-23 წლების საექსპორტო სეზონში თურქეთიდან ჩირის ექსპორტმა 1,103 მილიარდ დოლარს მიაღწია, განუცხადა "ანადოლუ"-ს სააგენტოს ეგეოსის რეგიონიდან ჩირის ექსპორტიორთა კავშირის ხელმძღვანელმა მეჰმედ ალი იშიკმა.

მან აღნიშნა, რომ თურქეთს ჩირის ექსპორტში მსოფლიოში წამყვან პოზიცია უჭირავს.

მისივე თქმით, ექსპორტი წინა სეზონთან შედარებით 5%-ით გაიზარდა და 1 მილიარდ 103 მილიონი დოლარი შეადგინა.

„აშშ გახდა თურქეთიდან გარგარის ჩირის მთავარი იმპორტიორი. ამ ქვეყანაში ექსპორტი 26%-ით გაიზარდა და 72 მილიონი დოლარი შეადგინა, მეორე ადგილზეა საფრანგეთი 40 მილიონი დოლარით, მესამეზე კი გერმანია 33 მილიონი დოლარით.

თურქული ქიშმიშის იმპორტიორებს შორის 2022-23 წლების სეზონზე ლიდერობს დიდი ბრიტანეთი, ხაზგასმით აღნიშნა იშიკმა.

ქიშმიშის ექსპორტმა დიდ ბრიტანეთში 104 მილიონ დოლარს მიაღწია, შემდეგ მოდის გერმანია - 55 მილიონი აშშ დოლარით და ნიდერლანდები - 50 მილიონი აშშ დოლარით. ლეღვის ჩირის მთავარ იმპორტიორად კი აშშ გვევლინება - 38 მილიონი დოლარით, - განაცხადა იშიკმა.

მან ასევე ხაზი გაუსვა, რომ მსოფლიო მასშტაბით თურქეთი კვლავ ლიდერობს ორგანული ჩირის ექსპორტში.