რუსეთმა თურქეთიდან პომიდვრის იმპორტის კვოტები 350 ათასი ტონიდან 500 ათას ტონამდე გაზარდა.

იურიდიული ინფორმაციის ოფიციალურ პორტალზე გამოქვეყნდა რუსეთის ფედერაციის სოფლის მეურნეობის სამინისტროს შესაბამისი ბრძანება. ”დამტკიცდეს რუსეთის ფედერაციაში საქონლის <...> ახალი ან გაცივებული პომიდვრის იმპორტის ნებადართული მოცულობა - 500,000 ტონა”, - ნათქვამია დოკუმენტში.

2016 წლის დასაწყისიდან 2017 წლის ნოემბრამდე აკრძალული იყო თურქული პომიდვრის რუსეთში მიწოდება. 2018 წლის მარტში თურქეთიდან 50 ათას ტონამდე პომიდვრის იმპორტის კვოტა შემოიღეს. შემდგომში კვოტა თანდათან გაიზარდა.