უზბეკეთი და აზერბაიჯანი თხილის მოყვანაზე შეთანხმდნენ, იუწყება სოფლის მეურნეობის სამინისტრო.

ამ მიმართულებით თანამშრომლობის მემორანდუმს ხელი მოაწერეს უზბეკეთის სოფლის მეურნეობის მინისტრმა აზიზ ვოიტოვმა და კომპანია Agrarco-ს დირექტორმა ჯავიდ კაზიმოვმა.

მოლაპარაკებების დროს მხარეებმა უზბეკეთში თხილის მოყვანა-გადამუშავებაზე ისაუბრეს. ასევე განიხილეს გამოცდილების გაზიარებისა და აზერბაიჯანში სპეციალისტების გაგზავნის პერსპექტივები, რომლებიც თხილის მოყვანის სფეროში გადამზადდებიან.

"შეხვედრის მიზანი იყო თხილის მოყვანის, მისი გადამუშავების და ზოგადად მებაღეობის განვითარების გამოცდილების გაზიარება. ასევე განიხილეს სოფლის მეურნეობის სფეროში უზბეკეთ-აზერბაიჯანის ურთიერთობების ხელშეწყობისა და განვითარების საკითხები", - ნათქვამია ანგარიშში.