საქართველოში, მარნეულში სასოფლო-სამეურნეო ონლაინ პლატფორმის „YURT“-ის  პირველი პრეზენტაცია გაიმართა.

შეხვედრას მარნეულში მოქმედი 20-მდე ფერმის მფლობელი და ბიზნესის ლიდერი ესწრებოდა. მონაწილეებს მიეწოდათ დეტალური ინფორმაცია ონლაინ პლატფორმის უპირატესობების, შემოთავაზებული სერვისებისა და ვებგვერდზე www.yurt.farm რეკლამის განთავსების წესების შესახებ.

პრეზენტაციაზე პასუხი გასცეს მონაწილეთათვის საინტერესო კითხვებს. შეხვედრაზე მოხდა პროექტის შესახებ იდეების გაცვლა, წინადადებების შეგროვება.

პრეზენტაცია ბორჩალის მეწარმეთა კავშირის მხარდაჭერით გაიმართა.

აღსანიშნავია, რომ მსგავსი შეხვედრები საქართველოს სხვა რეგიონებშიც იგეგმება.