Marneuli shahrida Gruziyadagi “YURT” qishloq xo‘jaligi onlayn platformasining birinchi taqdimoti bo‘lib o‘tdi. Yig‘ilishda Marneuli shahrida faoliyat yuritayotgan 20 ga yaqin fermer xo‘jaliklari egalari va shirkat rahbarlari ishtirok etdi.

Ishtirokchilarga onlayn platformaning afzalliklari, taklif etilayotgan xizmatlar va www.yurt.farm veb-saytida reklama joylashtirish qoidalari haqida batafsil ma’lumotlar berildi.

Taqdimot davomida ishtirokchilarni qiziqtirgan savollarga javob qaytarildi. Yig‘ilishda loyiha bo‘yicha g‘oyalar muhokama qilinib, takliflar yig‘ildi. Taqdimot Borchali tadbirkorlar uyushmasi ko‘magida o‘tkazildi. Eslatib o‘tamiz, bunday uchrashuvlar Gruziyaning boshqa viloyatlarida ham o‘tkazilishi rejalashtirilgan.