საქართველოში სუფრის ყურძნის ექსპორტით მეორე ადგილზე უზბეკეთი აღმოჩნდა. კერძოდ, მიმდინარე წლის 7 თვის განმავლობაში ქვეყანამ 699,4 ათასი დოლარის ღირებულების 453 ტონა პროდუქციის მიწოდება განახორციელა, იუწყება საქართველოს სტატისტიკის ეროვნული სამსახური (საქსტატი).

საქსტატის მონაცემებით, სომხეთი ყურძნის მიწოდებით პირველ ადგილს იკავებს - 1179 ტონა 1,128 მილიონი დოლარის ღირებულების. პირველ სამეულში შევიდა ირანიც 280 ტონა 467,94 ათასი დოლარის ღირებულების პროდუქციით.

ირკვევა, რომ მიმდინარე წლის 7 თვის განმავლობაში საქართველომ 2,7 მილიონი დოლარის ღირებულების სუფრის ყურძენი შემოიტანა, ძირითადად სომხეთიდან, უზბეკეთიდან და ირანიდან. რაოდენობრივად, იმპორტმა შეადგინა 2232 ტონა როგორც ახალი ყირძნისა, ასევე ჩირის სახით.