Turkiyaning GenGroup Qazaqstan kompaniyasi Turkiston viloyatida (Qozog‘iston) bananni sanoatda yetishtirish loyihasini ishga tushirdi. Bu haqda Qozog‘iston Respublikasi Qishloq xo‘jaligi vazirligi matbuot xizmati xabar berdi.

Issiqxonalar maydoni 5,3 gektarni tashkil etdi. Qayd etilishicha, tropik mevalarning navi respublika iqlimini hisobga olgan holda yetishtirilgan. Turk firmasining loyihasi 4 million dollarga baholangan.

Yaqin orada issiqxona maydoni yana 5 gektarga kengaytiriladi. Bu har yili 1 ming tonnaga yaqin banan yig’ish imkonini beradi. Birinchi hosilni 6-8 oy ichida yig’ib olish rejalashtirilgan.

Pomidor va qulupnay yetishtirishni yo‘lga qo‘yish ham rejalashtirilgan.

«Kursiv» Ekvador 2023-yilning birinchi yarmida O‘zbekistonga banan yetkazib beruvchi asosiy davlatga aylangani haqida yozgan edi.